Parlamentu Nasionál, liu husi Sesaun Plenáriu Ordináriu, iha loron 9 fulan juñu tinan 2026, Deputadi sira aprova Jornal Parlamentu Nasionál I-Série-A, nú 138, loron 11 fulan fevereiru tinan 2025, ho votus a favor 40, kontra 0 no abstensaun 3.

Iha período antes ordem do dia nian, Komisaun Saúde, Seguransa Sosial no Igualdade Jeneru (Komisaun F) reprezenta husi Prezidente Komisaun, Deputada Maria Gorumali Barreto, hamutuk ho relatora, Deputada Lusia Taeki, aprezenta relatóriu fiskalizasaun Komisaun nian ne’ebé realiza ona iha Munisipiu rua mak hanesan, Munisipiu Díli no Munisipiu Viqueque. Nune’e mos ho Komisaun Negosiu Estranjeiru, Defeza, no Seguransa (Komisaun B) ne’ebé hala’o vizita fiskalizasaun ba Unidade Polísia Maritima (UPM), Unidade Espesial Polísia (UEP), no Munisipiu Aileu.  

Depois kontinua ba deklarasaun politika husi Bankada Parlamentar FRETILIN nian, no kontinua ho intervensaun diversas husi Deputadu sira ne’ebé aprezenta problema sira ne’ebé provu enfrenta iha área saúde, edukasaun, infraestrutura bázika, seguransa alimentár no problema sosiál sira seluk ne'ebé presiza atensaun husi Governu no instituisaun relevante sira.

Sesaun plenária ne'e realiza ho língua portuguesa, prezidi husi Prezidente Parlamentu Nasionál, Maria Fernanda Lay, no akompaña husi membru Meza sira. FIM