PARLAMENTO NACIONAL

REPÚBLICA DEMOCRÁTICA DE TIMOR-LESTE

Mencari...

Nenhum resultado encontrado para ""

Orsamentu Parlamentu

Processo preparação

Hodi prepara ninia orçamento Parlamento hola iha consideração linhas de orientação orçamental ne’ebé Governo elabora tiha. Baibain, molok prepara ninia orçamento, Parlamento hala’o negociação ho Governo hodi buka acordo kona-ba mais ou menos osan hira mak bele tau iha pacote fiscal, ne’e katak quantidade máxima osan orçamento nian.

Processo ne’e precisa duni tanba, maski Parlamento Nacional iha autonomia financeira, ninia orçamento hola parte iha Orçamento Geral do Estado. Ne’e acontece tanba iha Timor-Leste vigora princípio unicidade orçamental nian, ne’e katak, iha orçamento ida de’it ba Estado tomak.

Serviço Parlamentar, ho orientação husi Secretário-Geral do Parlamento Nacional, mak prepara Orçamento Parlamento Nacional nian. Ninia preparação baseia ba diretivas husi Conselho de Administração.

Ho orientação husi Secretário-Geral, Divisão de Plano, Finanças e Aprovisionamento haruka surat circular ida ba órgão sira hotu Parlamento nian, inclui Gabinete do Presidente, Comissões Parlamentares, Grupo Feto Parlamentar, no ba Divisão sira hotu Secretariado nian, atu apresenta sira-nia plano atividade no proposta orçamental. Proposta parcial sira-ne’e sei sai base atu prepara proposta geral ba orçamento Parlamento nian.

Processo aprovação Secretário-Geral apresenta proposta orçamento nian ba Conselho de Administração. Aprova tiha proposta ne’e, Conselho de Administração haruka ba Comissão de Economia, Finanças e Anticorrupção atu sira fó sira-nia opinião. Ikusliu proposta sei apresenta ba Plenário ba discussão e aprovação.

Aprovação iha Plenário halo liuhosi resolução ida, ne’ebé sei publica iha Jornal da República. Integração iha Orçamento Geral do Estado Aprova tiha orçamento, sei haruka ba Ministério das Finanças atu integra iha OGE.

N.º Atividades Files
16 Orçamento de 2024 PDF
15 Orçamento de 2023 PDF
14 Orçamento de 2022 PDF
13 Orçamento de 2021 PDF
12 Orçamento de 2020 PDF
11 Orçamento de 2019 PDF
10 Orçamento de 2018 PDF
09 Orçamento de 2017 PDF
08 Orçamento de 2016 PDF
07 Orçamento de 2015 PDF
06 Orçamento de 2014 PDF
05 Orçamento de 2013 PDF
04 Orçamento de 2012 PDF
03 Orçamento de 2011 PDF
02 Orçamento de 2010 PDF
01 Orçamento de 2009 PDF