|
Presidente do Parlamento Nacional recebe em audiência o Procurador-Geral da República |
Prezidente Parlamentu Nasionál, Maria Fernanda Lay, simu audiénsia husi Prokurador Jerál Repúblika, Alfonso Lopez, iha loron 23 fulan abril tinan 2024, iha sala konferensia.
Prezidente Parlamentu Nasionál informa audiénsia refere ho objetivu atu koodena servisu balun ne’ebe konsidera imporante liuliu kona-ba lejizlasaun sira, tanba iha lejizlasaun balun presija halo harmonizasaun nune’e bele implementa ho efisiensia no melhoriamentu servisu judisiariu nian. FIM
|
24-04-2024 |
|
Parlamento Nacional aprova o Regime Jurídico do Exercício do Direito de Petição |
Parlamentu Nasionál liu husi sesaun plenária ordinária iha loron 23 fulan abril tinan 2024, aprova ona iha final global ba Projetu Lei numeru 3/VI(1ª) – Rejime Juridiku ba Ezersisiu Direitu Petisaun.
Rejime Juridiku ne’e atu fasilita sidadaun hotu hodi aprezenta petisaun liga ba asuntu nasional ka publiku hodi Deputadu sira bele diskute tuir tramitasaun ne’ebe mak iha.
Iha sesaun plenária ne’e mós aprova ho unanimidade ba votu kongratulasaun ba aniversariu Revolusaun 25 abril, ba dala 50. |
24-04-2024 |
|
Parlamento Nacional aprova alteração à Lei da Comissão Anti-Corrupção |
Parlamentu Nasionál liu husi sesaun plenária ordinária iha loron 22 fulan abril tinan 2024, halo ona diskusaun no aprovasaun ba Proposta Lei numeru 6/VI(1ª) – alterasaun daruak ba Lei numeru 8/2009, loron 15 fulan jullu, kona-ba Lei Anti Korupsaun.
Aprovasaun iha generalidade no final global ho 37 votus a favor, 0 kontra no 0 abstensaun ne’e, Deputadu sira no Governu liu husi Ministeriu Justisa konsentra ba artigu rua ne’ebe hetan alterasaun, liuliu kona-ba nomeasaun ka eleisaun ba Komisariu Komisaun Anti Korupsaun. |
22-04-2024 |
|
Comissão E realiza fiscalização ao Município de Manufahi |
Komisaun E iha Parlamentu Nasionál ne’ebe trata asuntu Infraestrutura, hala’o atividade fiskalizasaun iha Munisípiu Manufahi, iha loron 17 no 18 fulan abril tinan 2024.
Atividade fiskalizasaun ne’ebe lidera husi Prezidente Komisaun E, Deputadu Marcos Xavier ne’e hahú ho reuniaun entre Prezidente Autoridade Munisipiu Manufahi akompaña husi Diretor sira ho Deputadu sira Komisaun E nian. |
19-04-2024 |
|
Presidente do Parlamento Nacional reúne com o Presidente da República |
Prezidente Parlamentu Nasionál, Maria Fernanda Lay, halo reuniaun ho Prezidente Republika, Dr. Jose Ramos Horta, iha Palásiu Presidénsial Aitarak-laran, iha loron 17 fulan abril tinan 2024.
Iha reuniaun ne’e Prezidente Parlamentu informa kona-ba servisu no funsionamentu Parlamentu Nacional nian to ohin loron, hanesan, alterasaun ba Lei Komisaun Anti-Korrupsaun (KAK) hodi fo segimentu ba prosesu hili Komisáriu KAK, tamba konsensu lahetan entaun tenki iha inisiativa hodi halo alterasaun ba Lei refere. |
18-04-2024 |
|
Atividades das Comissões Especializadas Permanentes |
Parlamentu Nasionál, liu husi Komisaun Espesializada Permanente sira, halo atividade komisaun hanesan tuir mai ne’e: Komisaun A ne’ebe trata Asuntu Konstitusional no Justisa, halo apresiasaun no aprovasaun ba relatoriu no pareser konaba Proposta Lei Nu. 6/VI (1a) -Alterasaun Da-ruak hosi Lei Nu. 8/2009,15 fulan junu konaba Komisaun Anti Korupsaun nian. Além de ne’e, halo mos apresiasaun no aprovasaun ba Petisaun Nu.3 /VI (1a) kona-ba Proposta rekerimentu sidadaun Alzira Ximenes inklui nota informativa ba keixa ida husi Señor Carlos Soares. |
17-04-2024 |
|
Parlamento Nacional realiza debate com o Ministério da Educação |
Parlamentu Nasionál, liu husi reuniaun plenária ordinária, iha loron 16 fulan abril tinan 2024 halo debate ho Ministeriu Edukasaun no Komisaun Funsaun Publika ho objetivu atu halo esklaresimentu konaba informasaun hotu liga ba problema professor kontratadu tinan 2023 ne’ebe mak sei sai hanesan polemika iha sosiedade nia laran. |
17-04-2024 |
|
Parlamento Nacional aprecia o relatório de execução orçamental do quarto trimestre do ano financeiro de 2023 |
Parlamentu Nasionál, liu husi reuniaun plenária ordinária, iha loron 15 fulan abril tinan 2024, halo apresiasaun no diskusaun ba relatóriu no pareser kona-ba ezekusaun orsamentál trimestral dahat ba Tinan Finanseiru 2023 nian.
Apresiasaun ne’e hahú ho halo leitura ba relatóriu no pareser husi Komisaun C ne’ebe trata asuntu Finansas Públikas. Relatoriu ne’ebe komisaun aprezenta hatudu 87% husi total Orsamentu Jerál Estadu 2023 ho montante $ 1.9 bilhões. No iha rekomendasaun lubuk ida ne’ebe Governu no instituisaun relevante sira konsidera iha orsamentu tuir mai. |
15-04-2024 |
|
Parlamento Nacional aprova o pedido de urgência à segunda alteração à Lei Anti-Corrupção |
Parlamentu Nasionál liu husi sesaun plenária extraordinária iha loron 12 fulan abril tinan 2024, halo diskusaun no aprovasaun ba pedidu urjénsia ba Proposta Lei numeru 6/VI(1ª) – Alterasaun daruak ba Lei numeru 8/2009, loron 15 fulan jullu, Lei kona-ba Komisaun Anti Korupsaun, ho 37 votu a favor, 0 kontra no 0 abstensaun.
Durante diskusaun, Maioria Deputadu konsiente katak importante no urjente atu halo alterasaun ba lei refere atu Parlamentu Nasionál bele eleje Komisariu KAK ida hodi hala’o nia funsaun ne’ebe tinan ida resin mamuk. |
12-04-2024 |
|
Presidente do Parlamento Nacional recebe em audiência o Presidente da Comissão da Função Pública |
Prezidente Parlamentu Nasionál, Maria Fernanda Lay, simu audiénsia husi Prezidente Komisaun Funsaun Públika, Agustinho Letêncio de Deus, ho nia equipa, iha loron 11 fulan abril tinan 2024, iha sala GMPTL.
Objetivu husi reuniaun refere atu informa ba Prezidente Parlamentu Nasionál kona-ba aprezentasaun relatóriu servisu Komisaun Funsaun Públika ba Parlamentu Nasionál tuir dekretu lei numeru 7/2009. |
12-04-2024 |
