Página Inicial » Boas Vindas
Bem-vindo ba Parlamento Nacional de Timor-Leste nia página oficial.
Parlamento Nacional hanessan ita-nia democracia nia fuan. Ita-nia povo mak hili diretamente Deputado sira, baseia ba ideia no projeto político oioin ne’ebé sira-nia partidos defende no apresenta durante campanha eleitoral. Formação Governo depende ba Parlamento nia composição, bele Governo hussi partido ida de’it ka hussi coligação, conforme equilíbrio forças ne’ebé iha nu’udar resultado hussi percentagem cadeiras ba Deputados ne’ebé consegue hetan iha legislatura ida-idak. No povo ne’ebé fó maioria ba partido ida, ka ba aliança partido sira-nian, bele la fó filafali iha eleição tuirmai, se partido ka aliança ne’e la hatán karik ba povo nia expectativas.
Informação ba cidadão sira indispensável ba Parlamento democrático ida. Além de atividades hussi partido político sira rassik, no hussi bancadas parlamentares hussi sira-ne’ebé eleito atu representa povo, Parlamento nu’udar instituição, no mós nu’udar órgão soberania nian, tem que informa público kona-ba serbissu ne’ebé nia hala’o. Iha mundo agora daudaun, Internet nu’udar fatin di’ak tebes atu halekar informação, no portal ida-ne’e sai ferramenta importante atu fó-hatene kona-ba Parlamento Nacional nia atividades no responsabilidades.
Obrigado ba visita no aproveita ho di’ak portal ne’e.
Aniceto Longuinhos Guterres Lopes
Presidente Parlamento Nacional