Grupos Parlamentares Amizade nian
Grupos Parlamentares Amizade nian (GPA) nu’udar organismo sira Parlamento Nacional nian ne’ebé buka atu hamosu no hametin diálogo interparlamentar no hala’o cooperação ho parlamento sira husi nação belun Timor-Leste nian, no labele iha GPA ho nação hirak-ne’ebé Timor-Leste la iha relações diplomáticas ho sira ka nação sira-ne’ebé la iha parlamento plural livremente eleito.
GPA inclui partido oioin no reflete Parlamento Nacional nia composição.
GPA hala’o serbisu hodi buka intensifica relação amizade entre deputado timoroan sira ho deputado sira husi Estado seluseluk, hodi troca matenek no experiência; estuda relação bilateral no ninia enquadramento iha aliança no instituição sira ne’ebé Estado rua ne’e hola parte; divulga no promove interesses no objetivos comuns iha área política, económica, social no cultural; troca informações no consulta malu ho finalidade atu bele articula posições iha organismo internacional sira ho natureza interparlamentar, ho respeito nafatin ba autonomia grupo nacional ida-idak nian; hanoin hamutuk kona-ba problema hirak-ne’ebé envolve Estado rua ho sira-nia cidadãos no buka solução ne’ebé mosu husi kbiit legislativo ida-idak nian; no fó valor ba papel comunidade emigrante ida-idak nian, se iha karik, iha tempo uluk no agora ne’e daudaun.
Iha I Legislatura (20 maio 2002 to’o 29 julho 2007), Parlamento Nacional estabelece Grupos Parlamentares Amizade hamutuk sanulu (10). Iha terceira Legislatura 2012 -2017 Parlamento nacional forma Grupo Parlamentares de Amizade hamutuk 10 liu hussi Deliberação do Parlamento Nacional n.º 1/2013, de 13 de julho.
Iha Legislatura atual, V legislatura nian (2018-2023), Parlamento Nacional forma Grupo Parlamentares de Amizade hamutuk sanulu ressin ualu (18) liu hussi Deliberação do Parlamento Nacional nº.8/V(1ª), segundo alteração à Deliberação do Parlamento Nacional nº 5/2018, de 18 de julho, ho nune'e Plenário fixa lista ba Grupos Parlamentares de Amizade ba V Legislatura nian mak hanesan: