Komisaun Funsaun Públika (KFP), liu husi sesaun plenária ordinária iha loron 2 fulan jullu tinan 2024, aprezenta nia relatóriu servisu tinan 2023 ba Parlamentu Nasionál.
Durante aprezentasaun, Prezidente KFP Agostinho Letêncio de Deus, relata kona-ba servisu tomak KFP nian durante tinan 2023, liuliu progresu no dezafiu sira ne’ebe KFP enfrenta.
KFP mós deteta presija hadia buat barak inklui lejislasaun sira oinsa fó duni prestasaun servisu ho profissional ba Estadu liu husi instituisaun sira.
Entretanto Deputadu sira kontinua sujere no enkoraja KPF atu servisu no presta atendimentu ho profissional tuir lei ne’ebe mak iha.
Iha sesaun plenária ne’e mós, alem de instervensaun diversa husi Deputadu sira, Bankada Parlamentar FRETILIN ho KHUNTO aprezenta nia deklarasaun politika, ne’ebe FRETILIN ko’alia kona-ba servisu no prestasaun IX Governu Konstitusionál, no Bankada KHUNTO ko’alia kona-ba traballador sira iha rai-liur, servisu EDTL no seluktan.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira. FIM
