Parlamentu Nasionál liu husi reuniaun plenária ordinária, iha loron 1 fulan jullu tinan 2024, halo diskusaun no aprovasaun iha generalidade Projeto de Lei n.º 6/VI(1.º) – Mandato dos Titulares ou Membros de órgãos designados pelo Parlamento Nacional, ho votos 39 a favor, 4 kontra no 2 abstensaun.
Depois de votasaun ne’e, Meza kontinua ho votasaun ba autorizasaun atu hatun hikas Projetu lei ne’e ba Komisaun A, hodi halo diskusaun, ho votus 42 a favor, 1 kontra no 2 abstensaun.
Antes de aprovasaun ba Projetu de Lei ne’e, iha período de antes da ordem do Dia, iha distribusaun no apresiasaun ba relatóriu sira mak hanesan: partisipasaun iha SEAPAC (the south East Asia Parliamentarians Agains Corruption, iha Bali-Indonesia; visita fiskalizasaun husi Komisaun D, Ne’ebé trata asuntu Ekonomia no Dezenvolvimentu ba Munisipiu Viqueque; no informasaun kona-ba relatóriu vizita Sua Exia Prezidente Repúblika Timor-Leste ba Singapura iha Ambito partisipasaun 21.ª edisaun ba dialogu Sangri-La husi Instituto Internasional Estudo Estratéjiku.
Além de ne’e, Bankada Parlamentar sira mos halo deklarasaun política mak hanesan, Bankada FRETILIN koalia kona-ba problema educação; Bankada PLP relata kona-ba setor pólitika no ekonomika; no Bankada KHUNTO koalia kona-ba preokupasaun husi populasaun RAEOA, iha área Sosial, infraestrutura, agrikultura, edukasaun no saúde.
Entertantu, iha intervensaun diversas, Deputadu sira apresenta preokupasaun kona-ba congratula autor ne’ebé konsege tau ona tetun iha google tradusaun; no manisfesta sira nia preokupasaun ba problema estradas; problema edukasaun; problema asesu energia eletrika no informasaun importante sira seluk.
Sesaun Plenária ne’ebé hahu ho Exekusaun Hino Nasionál RDTL, no kontinua ho minutu ida hakmatek, prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
