Pagina Inicial»Noticia
Comissão F iha Parlamento Nacional ne’ebe trata assunto Educação, Saúde, Segurança Social e Igualdade Género, halo audiência ho Ministra da Solidariedade Social e Inclusão, Armanda Berta dos Santos, ho nia equipa, iha loron 10 fulan julho tinan 2019.
Audiência ne’e ho objetivo atu ko’alia kona-ba apreciação Relatório Conta Segurança Social tinan 2018 nian ne’ebe haruka ba Presidente do Parlamento Nacional.
Presidente Comissão F, Deputada Maria Gorumali Barreto hatete audiência ne’e halo atu parte MSSI bele explica kle’an kona-ba relatório Segurança Social tinan 2018 nian antes prepara parecer comissão nian.
Orçamento ne’ebe aloca ba iha Instituto Nacional Segurança Social hamutuk US$ 41.149.945 milões, maibé iha inicio tinan 2018 nian labele executa sistema refere ne’ebé foin executa iha fulan setembro tinan 2018 nian. Nune’e baseia ba execução ne’e mak Instituto Nacional de Segurança Social implementa ona quase 92.32% hussi total orçamento refere.
Relaciona ho assunto ne’e Deputado sira Comissão F nian sugere ba MSSI liuliu Instituto Nacional de Segurança Social, atu continua halo socialização kona-ba sistema contributivo e não contributivo ba parte hotu inclui empresa sira hodi bele entende.
