Pagina Inicial»Noticia
Parlamento Nacional liu hussi Sessão Plenária ordinária, iha loron 25 de junho de 2019 halo discussão no apreciação ba relatório de fiscalização hussi Comissão de Educação, Juventude, Cultura e Cidadania (Comissão G) ba município Viqueque, apresenta hussi Presidente Comissão G, Deputada Albina Marçal ho relator Deputado Gabriel Soares, no Comissão de Economia e Desenvolvimento (Comissão D) ba Município Ainaro, apresenta hussi Deputado Ricardo Baptista no relatora Deputada Olinda Guterres.
Relatório hussi Comissão G destaca kona ba processo aprendizagem iha escola (inclui infraestrutura básicas ba apoio processo aprendizagem), programa merenda escolar, centro juventude no radio Comunidade iha Município. Nune’e mós relatório Comissão D ba área irrigação mak hanessan irrigação Raibere, Webaba, Casa, fatin kuda batar sorgum iha Baudubu-Suru Karik, Centro Paragens tratores iha Ainaro Vila no empresa CCT-NCBA iha Aitalo-Maubisse.
Iha sessão Plenária ne’e, Bancadas Parlamentares KHUNTO, representa hussi Deputado António Verdial, hato’o declaração política kona ba problema rai.
Entretanto iha intervenções diversas, Deputado sira continua hato’o preocupação kona-ba qualidade infraestruturas básicas hanessan, Estrada, bé mos, irrigação no edifícios iha município sira, no informação kona ba população balun ne’ebé continua halo construção uma iha mota ninin iha área Comoro, no informação importante seluk.
Em relação ho assunto hirak ne’ebé levante hussi Senhores Deputados, Ministro da Reforma Legislativa e Assuntos Parlamentares, Fidélis Manuel Leite Magalhães, hatete, assunto sira ne’e cada semana sempre hato’o iha encontro Conselhos de Ministros atu nune’e ministério competente bele resolve.
Sessão Plenária ne’e preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
