Pagina Inicial»Noticia
Parlamento Nacional liu hussi Sessão Plenária ordinária aprova Projeto de Deliberação n.o 8/V (1ª) - Segunda alteração à Deliberação do Parlamento Nacional n.º 5/2018, sobre Grupo Parlamentares de Amizade na V Legislatura, ho 49 votos a favor, 0 contra no 0 abstenções.
Ho aprovação Projeto de Deliberação ne’e Mesa ba Grupo Amizade sira bele constitui ona hodi formaliza atividade grupo nian.
Iha sessão Plenária ne’e, Bancada KHUNTO halo declaração politica kona-ba rai no propriedade liuliu processo levantamento no sukat rai iha Timor-Leste. No Bancada FRETILIN iha nia declaração política ko’alia kona-ba contrato entre Governo Timor-Leste ho Companha Internacional Lighthouse Corporation ne’ebé iha ona processo julgamento iha Tribunal Austrália nian maibé informação ne’e taka ba povo Timor-Leste.
Entretanto iha intervenções diversas, Deputado sira preocupa liu kona-ba relatório hussi Câmara de Contas ba RAEOA – ZEEMS (Região Administrativa Especial Oecússi Ambeno – Zonas Especiais de Economia Social de Mercado), no estabelecimento freebalance iha RAEOA.
Alem ne’e ko’alia kona-ba polemica funcionário contratado na’in 273 hussi Ministério da Educação Juventude e Desporto, circulação transporte liu hussi fronteira Batugadé no polemica kona-ba relatório Comissão Inquérito Parlamentar.
Secretário de Estado para a Comunicação Social, Merício Juvenal do Reis, hatete assunto hirak ne’e sei informa ba Conselho do Ministro no ministério relevante sira hodi buka solução.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Secretário de Estado para a Comunicação Social, Merício Juvenal do Reis.
