Pagina Inicial»Noticia
Parlamento Nacional liu hussi Reunião Plenária ordinária, iha loron 13 fulan maio tinan 2019, halo apreciação ba relatório anual 2018 hussi Comissão da Função Pública, relatório ne’e apresenta hussi Presidente da Função Pública, Faustino Cardoso ho nia comitiva.
Iha Plenário ida-ne’e, Bancada sira FRETILIN ho PD hato’o declaração política. Hussi Bancada FRETILIN liu hussi Deputado Aniceto Longuinhos Guterres Lopes, relaciona ho relatório Comissão de Inquérito Parlamentar (CIP) ne’ebé hamossu polémica iha debate Plenária semana hirak liu ba; no declaração política hussi Bancada PD hato’o hussi Deputado Mariano Assanami Sabino, kona-ba oinsá Estado justo hodi haree elemento sira iha luta nian, liuliu participação Igreja Católica, padre no madre sira ne’ebé mak participa ativa iha luta ba independência, considera hanessan resistência.
Entretanto intervenções diversas, Deputado sira hato’o kona-ba situação Estrada no ponte iha costa sul ne’ebé hetan estraga hussi udan, la iha atividade hussi Ministério Educação hodi comemora loron Semana da Língua Portuguesa, prisioneiro sira iha prisão la iha facilidade no prisioneiro sira kbiit laek sira la hetan atenção hussi defensória pública. Funcionário sira hussi central elétrico la simu salário fulan haat ona, cartão de condução provisório, veterano sira ne’ebé hala’o tratamento saúde iha hospital sira ne’ebé iha cooperação ho Governo Timor-Leste, iha Bali, Indonésia la hetan pagamento, nomos informação importante sira seluk.
Ministro da Reforma Legislativa e Assuntos Parlamentares, Fidélis Manuel Leite Magalhães, informa katak sei encaminha preocupação Deputado sira nian ba Ministério relevante sira hodi buka solução, Ministro mós hatutan katak situação ponte iha Costa Sul iha ona atuação hussi ministério relevante, salário ba funcionário sira central elétrico nian processa la’o hela no sei halo pagamento iha tempo badak.
Reunião Plenária ne’e preside hussi Vice-Presidente Parlamento Nacional, Luís Roberto da Silva, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
