Pagina Inicial»Noticia
Parlamento Nacional liu hussi Reunião Plenária ordinária, iha loron 02 fulan abril tinan 2019, halo discussão no aprovação ba Projeto de Deliberação nº 2/2019, Constituição e composição da Comissão Eventual para a Revisão do Regimento do Parlamento Nacional e da Lei nº7/2007, de 25 de julho, que aprova o Estatuto dos Deputados, ho 35 votos a favor, 12 contra no 1 abstenção.
Iha Plenária ne’e mós distribui ba Deputado sira, oficio hussi Presidente TIMOR-GAP kona-ba pagamento ba participações Conoco Philips no Shell. Alem de ne’e, plenária continua ho aprovação voto de pesar ba falecimento saudoso Mário Madeira Kempes “Meta Laka” ne’ebé hakotu iis iha loron 28 fulan março tinan 2019, ho 43 votos a favor, 0 contra no 0 abstenção.
Hafoin voto de pesar, Sessão Plenária continua ho apresentação relatório e parecer de fiscalização hussi Comissão D ba município Bobonaro hodi hare irrigação boot rua iha maliana I ho Maliana II ne’ebé hetan estragos hussi udan boot.
Plenária ohin loron nian, Deputado sira questiona assunto sira infraestrutura básica iha município sira hanessan, estrada iha Maliana no Manatuto, la iha Funcionário ADN iha Município Ainaro, falta construção sede suco iha suco sira isolado iha Município Suai nian, maneira atendimento iha Hospital Nacional Guido Valadares ba paciente sira, estudante timoroan balun iha Portugal hetan baku hussi Portugal oan sira, no queixa hussi candidato estudante foun UNTL ne’ebé naran la tama lista.
Relaciona ho problema ne’ebé levanta hussi Deputado sira, Ministro da Reforma Administrativa pronúncia katak, parecer hussi Comissão D nian sei encaminha ba Ministério Relevante sira atu toma medidas. Liga ba problema atendimento iha Hospital Nacional Guido Valadares sei apresenta iha Conselho de Ministro hodi toma atenção, no mós problema seluk sei encaminha ba Ministério relevante sira hodi toma atenção no resolve.
Reunião ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Ministro da Reforma Administrativo e Assuntos Parlamentares, Fidélis Manuel Leite Magalhães .
