Pagina Inicial»Noticia
Comissão A iha Parlamento Nacional ne’ebé trata assuntos Constitucionais e Justiça, halo seminário loron ida kona-ba Projeto de Lei Anticorrupção, iha Tower Fatuhada Díli, iha loron 22 fulan março tinan 2019.
Objetivo hussi seminário ne’e atu hetan ideia, sugestão sira hussi autor justiça sira, sociedade civil, académico hodi hakle’an liu tan Projeto de Lei Anticorrupção ne’e.
Projeto de Lei ne’e hetan ona aprovação iha generalidade ho unanimidade no iha ona faze preparação ba discussão iha especialidade hussi Comissão A.
Durante seminário, cada entidade relevante sira apresenta sira-nia opinião ba cada artigo sira iha Projeto de Lei ne’e, oinsá bele produz lei ida forte no responde duni necessidade nação nian.
Seminário ne’e lidera hussi Presidente Comissão A, Deputada Carmelita Caetano Moniz, acompanha hussi membro comissão nian, no hetan presença hussi autor judiciário sira hanessan Comissão Anti-Corrupção (CAC), Ministério Publico, Defensorio Publico, Ministério da Justiça, Sociedade Civil, Académico inclui convidado sira seluk.
