Pagina Inicial»Noticia
Parlamento Nacional iha loron 11 fulan março tinan 2019, liu hussi Reunião Plenária ordinária, halo apreciação ba Relatório Auditoria de Tribunal das Contas de Timor-Leste ba Conta Geral de Estado 2017 ho 43 votos a favor 0 contra no 4 abstenções.
Antes halo discussão ba Conta Geral de Estado 2017, Deputado Francisco Miranda Branco hussi bancada FRETILIN hussu ba Mesa hodi halo um minuto de silencio ba Saudoso Nino Konis Santana nia mate iha loron 11 fulan março tinan 1998, nune’e ho aceitação Mesa Parlamento Nacional nian Deputado sira realiza um minuto de silencio.
Hafoin um minuto de silencio, continua kedas ho leitura ba relatório parecer hussi Comissão C kona-ba Conta Geral de Estado 2017 nian.
Relaciona ho Conta Geral de Estado 2017 ne’e, Bancada FRETILIN halo declaração politica ne’ebé ko’alia liu kona-ba Conta Geral de Estado 2017 no Relatório e Parecer Comissão C nian, no hussu Governo atu considera recomendação sira iha Relatório Auditoria Tribunal das Contas nian.
Durante discussão, Deputado sira hussu Governo no Parlamento Nacional rassik hodi serviço hamutuk no hadi’a falhanço hirak ne’ebé hato’o hussi Tribunal das Contas nune’e labele mossu tan irregularidade iha futuro.
Além de ne’e, Bancada CNRT, PLP no KHUNTO apresenta Projeto de Resolução ida relaciona ho Orçamento Privativo ba Região Administrativo Especial Oecússi Ambeno ka Zona Especial Economia Social Mercado (ZEESM)
Projeto de Resolução ne’e aprova ho 30 votos a favor 0 contra no 4 abstenções, enquanto Bancada FRETILIN la tuir votação.
Reunião Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Ministra das Finanças em Exercício, Sara Lobo Brites no Secretário de Estado para Comunicação Social, Juvenal Mericio dos Reis.
