Pagina Inicial»Noticia
Parlamento Nacional liu hussi reunião Plenária ordinária, iha loron 13 fulan novembro tinan 2018, baixa ona Proposta Orçamento Geral de Estado (OGE) 2019 nian Comissão C ne’ebé trata assuntos Finanças Públicas no Comissão Especializada Permanente sira seluk, hodi halo audiência ho ministério relevante sira antes halo debate iha Plenária.
Iha reunião Plenária ne’e mós halo voto de homenagem ba vitima sira Massacre de Santa Crus, ho 59 votos a favor, 0 contra no 0 abstenções. Iha voto de homenagem ne’e Deputado sira hussu ba Governo atu cria condição ba sobrevivente sira no contínua buka tuir hirak ne’ebé seidauk hetan nia ruin.
Hafoin fó homenagem ba vitima sira Massacre de Santa Crus, continua halo litura ba relatório ba levantamento imunidade hussi Comissão A ne’ebé trata assuntos Constituição e Justiça, kona-ba pedido suspensão do função para fins de procedimento de processo penal do Deputado António da Conceição, ho 57 votos a favor, 3 contra no 1 abstenção no votação ba pedido autorização hodi presta declaração hussi Deputado Mariano Assanami Sabino ho 53 votos a favor, 3 contra no 4 abstenções.
Iha sessão Plenária ne’e mós bancada Governo liu hussi chefe bancada CNRT, Deputado Duarte Nunes, hussu atu reagenda ba assentimento deslocação Presidente da República ba Roma, maibé parte oposição la concorda no hussu atu Presidente do Parlamento Nacional haruka carta ida ba Presidente da República antes reagenda ba assentimento ne’e.
Reunião Plenária ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Magalhães.
