Pagina Inicial»Noticia
Parlamento Nacional liu hóssi plenária extraordinária, iha loron 29 fulan agosto tinan 2018, halo ona votação iha generalidade ba proposta de lei n.o 2/ V (1a) – Orçamento Geral do Estado para 2018 ( OGE ) ho votos 53 a favor 0 contra no 12 abstenções.
Debate ikus ba generalidade niana , loke hóssi Presidente Parlamento Nacional iha oras 9.20 dader ho sessão dahuluk fo tempo ba Primeiro-Ministro Taur Matan Ruak fo respostas ba questões nebe Deputados balun questiona iha loron daruak nian.
Hatan ba preocupações Deputados sira nian, Primeiro-Ministro Taur Matan ruak resposta katak, VIII Governo sei fo prioridade mos ba prestação serviço Funcionários Publicas sira no regista hotu recomendações sira nebe hato’o hodi halo melhora iha nia mandato. Iha oportunidade ne’e, Ministra Finança em exercício, Sarah Lobo Brites clarifica mos 143 projetos nebe Deputados hóssi Bancada oposição sira questiona.
Hafoin de respostas hóssi parte Governo nian, Presidente Arão Noé continua fo tempo ba Deputado sira hodi halo intervenções. Iha Sessão ba intervenções ne’e , Deputados balun mos fo aprecia ba esforço Primeiro-Ministro ho nia Governante sira hodi halo apresentação OGE para 2018 mai iha Parlamento Nacional masque Nune’e sira nafatin husu atu executa osan ne’e ho qualidade baseia ba povo nia necessidade no desenvolvimento nação ne’e nian. Iha sessão ne’e mos, Deputado Antoninho Bianco apresenta nia proposta alteração ba Mesa relaciona ho OGE 2018.
Iha Ultimo debate Generalidade nian, Presidente Parlamento fo tempo 10 minutos ba cada Presidente de Bancadas Parlamentares no Primeiro Ministro VIII Governo nian hodi halo intervenção ikus ba debate iha generalidade nian.
Reunião ne’e encerra iha oras 20.23 kalan no sei continua debate ba especialidade iha loron 31 fulan agosto tinan 2018.
Sessão debate ne’e preside hóssi Presidente do Parlamento Nacional, Arão Noé de Jesus, acompanha hóssi membro da Mesa, no hetan presença hóssi Primeiro-Ministro, Taur Matan Ruak, ho membro Governo tomak.
