Pagina Inicial»Noticia
Parlamento Nacional liu hussi reunião Plenária ordinária iha loron 13 fulan agosto tinan 2018, halo ona aprovação ba pedido de urgência da tramitação da Proposta de Lei n.o 2 /V (1a) – Orçamento Geral do Estado (OGE) para 2018, ho votos 40 a favor, 0 contra, no 24 abstenções.
Hafoin aprovação ba pedido urgência ne’e, Mesa Parlamento Nacional baixa hikas Proposta de Lei ne’e ba Comissão Especializada Permanente sira hodi halo audiência publica ho ministério relevante sira antes ba discussão generalidade no especialidade.
Proposta OGE ba tinan 2018 ne’ebé Governo apresenta ba Parlamento Nacional hamutuk $ 1.279,6 milhões de dólares americano, durante período, loron 1 fulan janeiro too loron 31 fulan dezembro tinan 2018.
Iha sessão Plenária ne’e mós Deputado sira halo votos de pesar no solidariedade ba vitima sira rai-nakdoko iha Lombok Indonésia, ho votos 59 a favor, 0 contra no 0 abstenções.
Alem de ne’e bancada CNRT agradece ba Presidente da Republica ne’ebé promulga ona Proposta de Lei n.o 1/V (1ª) – Autorização Extraordinária para a Realização de uma transferência do Fundo Petrolífero ho montante $140.000 milhões, inclui assunto sira seluk liu hussi declaração politica.
Reunião Plenária ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa sira no hetan presença hussi Ministro da Reforma Legislativa e Assuntos Parlamentares, Fidélis Magalhães.
