Pagina Inicial»Noticia
Mesa do Parlamento Nacional, liu hussi reunião Plenária Ordinária, iha loron 16 fulan julho tinan 2018, baixa ona Projeto de Lei no 1/ V (1a) - Lei Anticorrupção ba Comissão A, ne’ebé trata assuntos Constitucionais e Justiça.
Projeto de Lei ne’e baixa iha Período da Ordem do Dia, enquanto iha Período de Antes da Ordem do Dia, bancada parlamentar FRETILIN ho bancada parlamentar PD halo declaração política relaciona ho orçamento duodécimo no estrutura VIII Governo, inclui assunto importante sira seluk nune’e bele resolve situação política iha rai laran.
Hafoin declaração política iha parte loraik, continua ho apresentação relatório ba atividade hussi Provedoria de Direitos Humanos e Justiça (PDHJ), tinan 2017 nian.
Durante apresentação relatório atividade ne’e, iha mós sessão hussu no hatán hussi Deputado sira relaciona ho atividade PDHJ, liuliu liga ba caso violação direitos humanos no seluk tan.
Reunião ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa tomak no hetan presença hussi Ministro de Reforma Legislativa e Assuntos Parlamentares, Fidélis Leite Magalhães.
