Parlamento Nacional, liu hussi Comissão C, ne’ebé trata assunto kona-ba Finanças Públicas halo audiência pública ho Ministro das Finanças, Rui Gomes, acompanha hussi Ministro na Presidência do Conselho de Ministros, Adriano do Nascimento, iha loron 11 fulan dezembro tinan 2017, iha sala Plenário Parlamento Nacional.
Audiência ne’e halo atu Deputado sira bele hetan explicação hussi Ministro das Finanças kona-ba Orçamento Retificativo ho nia prioridade sira.
Entretanto, iha loron 12 fulan dezembro tinan 2017, Comissão A ne’ebé trata assuntos Constitucionais, Justiça, Administração Pública, Poder Local e Anticorrupção, liu hussi reunião Comissão, halo aprovação ho unanimidade ba relatório setorial kona-ba Orçamento Retificativo. Nune’e mós aprova relatório parecer jurídico constitucional kona-ba Decreto Parlamento Nacional n.o 47/III – Poder Local e Descentralização Administrativa ho votos 8 a favor, 1 contra, no 2 abstenções.
Tuir agenda ne’ebé decide hussi reunião líder bancada, discussão Generalidade ba Orçamento Retificativo ne’e sei hala’o iha loron 14 no loron 15 fulan dezembro tinan 2017.
