Governo apresenta Proposta de Lei (PPL) n.º 10/III(2ª) - “Orçamento Estado nian ba 2014” ba Parlamento Nacional iha 25 Outubro 2013 no S. Excia. Sr. Presidente do Parlamento Nacional admite proposta ne’e no iha loron ne’ebá kedas manda haruka ba Comissão de Finanças Públicas, atu sira halo Relatório e Parecer, no ba Comissão Parlamentar sira seluk, ba sira atu prepara parecer setorial, conforme prevê iha Parlamento Nacional nia Regimento.
Hahú iha 4 to’o 18 Novembro hala'o audições públicas, no durante audição sira-ne’e entidade pública no privada barak iha oportunidade atu hato’o sira-nia opinião, hodi informa Deputado sira kona-ba sira ida-idak nia posição kona-ba Proposta de Lei (PPL) n.º 10/III(2ª).
Entre9-11 Janeiro, Proposta de Lei ne’e discute iha generalidade, depois de Sua Excelência Primeiro Ministro da RDTL, Kay Rala Xanana Gusmão, apresenta tiha. Iha 11 Janeiro, Orçamento Geral Estado nian (OGE) ba 2014 aprova iha generalidade, ho voto 65 a favor, voto contra la iha, no abstenção mós la iha.
Iha 13 Janeiro, no tuir Parlamento Nacional nia Regimento, hahú discussão no votação iha especialidade ba proposta de lei.
Iha loron ohin, 24 Janeiro, Proposta de Lei (PPL) n.º 10/III(2ª) - “Orçamento Estado nian ba 2014” submete ba votação final global no hetan voto 64 a favor, voto contra la iha, no abstenção mós la iha.
