Parlamentu Nasionál liu husi reuniaun plenária ordinária, iha loron 17 fulan março tinan 2025, realiza diskusaun ho aprovasaun ba Projetu Rezolusaun nú. 55/VI (2.ª), kona-ba Elaborasaun Leis no Atus Jurídiku sira Parlamentu Nasionál nian, aprova ho votus 27 a favor, 11 kontra no 4 abstensaun.
Projetu Rezolusaun ida-ne’e hakarak estabelese regra lejistika nian, materiál no formál, ne’ebé orienta elaborasaun lei no aktu jurídiku sira seluk Parlamentu Nasionál nian, ne’ebé kumpri mós norma sira ne’ebé konsta iha Lei nú. 1/2002, loron 7 fulan agostu, Lei kona-ba Publikasaun Aktu sira.
Antes diskusaun no aprovasaun ba lei refere, iha intervensaun diversas, Deputadu sira aprezenta preokupasaun ba problema sosial sira no infraestrutura bazika ne’ebé populasaun enfrenta, hanesan, estrada, eletrisidade, poste, edukasaun, saúde, lixu, be-mós, markasaun pasadeiras ne’ebé la-mos ona, diferénsia folin kafé no kamí, presu billete aviaun karun no kestaun importante sira seluk ne’ebé precisa atensaun husi Governu no insituisaun relevante sira.
Sesaun Plenária ne’e, prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
