Parlamentu Nasionál liu husi reuniaun plenária ordinária, iha loron 24 fulan fevereiru tinan 2025, halo diskusaun no votasaun final global ba Proposta lei nú. 15/VI(2.ª)) – alterasaun dahuluk ba Lei nú. 1/2017, 18 Janeiru, Rejime Tranzitóriu ba Rekrutamentu Majistradu no Defensór Públiku sira ne’ebé la’ós timoroan, no alterasaun daruak ba lei n.º 9/2011, 17 agustu, ne’ebé aprova Organika Kamara Kontas Tribunal Superior Administrativu, Fiskal no Kontas nian, ho votus a afavor 37, kontra 16 no abstensaun 0.
Antes aprovasaun, plenáriu halo apresiasaun no aprovasaun ba rekerimentu reabertura ba artigu balu husi Proposta Lei refere, ne’ebé hato’o husi Deputadu proponente Joaquim dos Santos, no resultadu votasaun, a favor 18, kontra 32, no abstensaun 1.
Portantu, iha periodu antes ordem do dia nian, Deputadu sira aprova votu louvor no agradesimentu ba asaun ne’ebé dezenvolve husi monseñur Marco Sprizzi, Reprezentante Santa SÉ iha Timor-Leste, durante tinan 6 (2019-2025) nian laran, ho votus unanimidade, a favor 57, kontra 0 no abstensaun 0.
Alénde ne’e, Bankada Parlamentar FRETILIN no PLP hato’o deklarasaun politika, entretantu iha periodu intervensaun diversas nian, Deputadu sira aprezenta preokupasaun ba problema sira hanesan edukasaun; saúde; eletrisidade; estrada; valeta; ponte; lixu; no kestaun importante sira seluk ne’ebé precisa atensaun husi Governu no insituisaun relevenate sira.
Sesaun Plenária ne’e, Prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Ministru Justisa, Sérgio de Jesus Fernandes da Costa Hornai, no Vise-Ministru ba Asuntu Parlamentar, Aderito Hugo da Costa. FIM
