Proposta de lei nº 9/III ( 2ª ) – Lei kona-ba Imprensa tama iha Mesa do Parlamento Nacional iha 6/9/2013 no tun ba Comissão A iha 18/10/2013. Comissão estuda lei kona-ba imprensa husi nação oioin atu bele hatene solução hirak-ne’ebé sira hetan iha rain sira-ne'e ba questões ne’ebé lei kona-ba imprensa buka atu hatán. Depois sira compara proposta de lei ne’e ho lei kona-ba imprensa husi país seluseluk no ida-ne’e fó biban atu prepara lista ho questão sira-ne’ebé precisa analisa kle’an liután hodi contribui depois atu hadi’ak tan proposta ne’e bainhira hala’o discussão iha especialidade. Husi estudo comparativo entre proposta de lei ne’e ho lei sira kona-ba imprensa ne’ebé vigora iha fatin seluseluk sira consegue identifica questão balu ne’ebé importante tebes maibé seidauk inclui iha proposta de lei. Sira mós identifica questão balu ne’ebé proposta de lei tau matan bá maibé ho maneira incompleta no tanba ne’e precisa hadi’ak tan iha especialidade.
Atu fó biban ba Deputado sira hotu atu hatene kona-ba questões ne’ebé mosu bainhira estuda proposta ne’e, no molok hala’o audiências públicas, sessões serbisu entre assessoria técnica Comissão A nian ho Deputados husi Comissão ne’e agenda tiha. Iha sessão dahuluk, Comissão fó sugestão atu halo lista ho questão sira-ne’ebé importante liu ne’ebé mosu husi análise ba lei no atu começa hakerek soluções possíveis atu halo diploma ne’e sai di’ak liután. Baseia ba comparação ne’ebé halo tiha ona ho leis kona-ba imprensa ne’ebé vigora iha país seluseluk, quadro comparativo ida prepara tiha ho questões kona-ba proposta no ho soluções ne’ebé ema hetan iha rai-laran no iha rai-li’ur. Ema halo sugestão balu atu hadi’ak tan diploma.
Audiências públicas hala’o iha 5, 6 e 7 fevereiro iha Tíbar ho presença husi entidade sira tuirmai ne’e:
Nélio Isac Sarmento – Secretário de Estado de Comunicação Social Milena Soares Abrantes, Presidente do Conselho de Administração - RTTL Paulino Quintas, Diretor de Redação - RTTL Salvador J. Ximenes Soares - DIÁRIO SUARA TIMOR LOROSAE José Gabriel da Costa - DIÁRIO NACIONAL Mouzinho Lopes de Araújo - DIÁRIO INDEPENDENTE Manuel Ximenes - THE DÍLI WEEKLY Carlos de Jesus – SEMANÁRIO BUSINESS TIMOR Jacob Ximenes, Diretor - SEMANÁRIO TIMOROMAN.COM Câncio Ximenes Soares - SEMANÁRIO MATADALAN José M. Ximenes – TIMOR POST Tito Filipe - RÁDIO TIMOR-LESTE ( RTL ) Francisco da Silva – RÁDIO LIBERDADE ( RL ) Eurico Pereira – RÁDIO RAMELAU KABLAKI MATEBIAN ( RKM ) Prezado Ximenes – RÁDIO LORIKU LIAN Tito Filipe, Presidente – ASSOCIAÇÃO DOS JORNALISTAS DE TIMOR-LESTE ( AJTL ) Hugo Fernandes, Presidente do Conselho de Ética – ASSOCIAÇÃO DOS JORNALISTAS DE TIMOR-LESTE ( AJTL ) Alexandre Assis, Secretário Geral – ASSOCIAÇÃO DOS JORNALISTAS DE TIMOR-LESTE ( AJTL ) José António Belo – TIMOR-LESTE PRESS CLUB José M. Ximenes - SINDICATO DOS JORNALISTAS DE TIMOR-LESTE Prezado Ximenes - ASSOCIAÇÃO RÁDIO COMUNITÁRIA TIMOR-LESTE Susana Cardoso - FUNDAÇÃO FUNDO MEDIA Alberico Júnior – TIMOR LESTE MEDIA DEVELOPMENT CENTER – TLMDC
Liutiha audiências públicas kedas, sociedade civil hato’o crítica ba Comissão kona-ba entidade hirak-ne’ebé la inclui iha audiências públicas no, tuir crítica sira-ne’e, bele fó contribuição di’ak. Nune’e, atu hatán ba crítica sira-ne’e, agenda ronda audiências públicas daruak hodi inclui máximo possível husi entidade sira-ne’ebé bele fó contribuição ruma ho ideias ka sugestões atu halo diploma ne’e sai di’ak liután. Audiência sira-ne’e hala’o iha 19, 20 e 21 fevereiro no inclui entidade sira tuirmai ne’e:
Zélia Trindade – Adjunta do Procurador-Geral da República
Flávio C. Neves – Vice-Ministro dos Transportes e Comunicações
Celestino Gusmão – Pesquisador husi Lao Hamutuk
Charles Sheiner – Pesquisador husi Lao Hamutuk
Adilsonio da Costa J. – Pesquisador husi Lao Hamutuk
Juvenal Dias – Pesquisador husi Lao Hamutuk
Manuel Monteiro Fernandes – Associação HAK
Francisco Guterres Lu-Olo – Presidente da FRETILIN
Harold Moucho – Assessor da FRETILIN
José Luís Oliveira – Coordenador iha Asia, Justice and Right
Victor da Costa – Vice-Presidente da FRENTI MUDANÇA
Sitalina M. Tílman – FRENTI MUDANÇA
Virgílio da Silva Guterres – Fundação Haburas
Dionísio Babo – CNRT
Lurdes Bessa – Vice-Presidente do Partido Democrático
Carlos Saky – Assessor do Partido Democrático
Reverendo Moisés A. da Silva da IPTL
Viriato Soares Pereira - FONGTIL
Iha ronda rua hotu audiências públicas nian, Comissão husu ba entidade participante sira atu hatama contribuição, críticas ka sugestões por escrito hodi halo diploma sai di’ak liután.
Entidade balu haruka duni sira-nia comentário por escrito hodi hato’o sira-nia hanoin ne’ebé sira temi tiha ona durante audiências públicas. Além de críticas no sugestões ne’ebé simu husi participante sira iha audiências, ne’ebé sei usa atu hadi’ak diploma ne’e, audiências hamosu mós reação husi Repórteres Sem Fronteiras no husi Lao Hamutuk ne’ebé hato’o sira-nia críticas ba proposta, no halo recomendação oioin ba nia aperfeiçoamento. Sugestão sira-ne’e hotu incorpora mós iha relatório parecer husi Comissão A ne’ebé aprova ho unanimidade.
