Parlamentu Nasionál, liu husi reuniaun plenária extraordinária, iha loron 22 fulan janeiru tinan 2025, halo diskusaun no votasaun ba deliberasaun kona-ba pedidu ba prosesu urjénsia relasiona ho Proposta Lei Nu.15/VI(2.a)-Alterasaun da-huluk ba Lei Nu.1/2017, loron 8 fulan janeiru, Rejime Transitoriu ba Rekrutamentu Magistradu no Defensor Publiku sira ne’ebé laos timoroan no Alterasaun da-ruak ba Lei Nu. 9/2011, loron 17 fulan agustu ne’ebe aprova Organika Kâmara Kontas Tribunal Superior Administrativo, Fiskal no Kontas nian, bazeia ba Dispozisaun Nu.4 artigu 97o husi Rejimentu Parlamentu Nasionál nian.
Nune’e pedidu prosesu urjensia refere, Parlamentu aprova maibe ho karakter la-urjénsia ho votus a favor 57 kontra 0 no abstensaun 2.
Antes halo diskusaun no aprovasaun, Komisaun A ne’ebe trata asuntu Konstitisional no Justisa halo leitura ba nia relatóriu no pareser ne’ebé hatete katak parte Governu la apresenta nia motivu ne’ebe klaru hodi justifika ninia karakter urjénsia ne’e, tanba ne’e, tuir pareser Komisaun A sei tau ba ajenda prioridade Komisaun nian, maske nune, sei hein despaxu husi Meza ba Komisaun.
Iha intervensaun Deputadu sira nian, sira mos konkorda no apoiu pareser Komisaun A nian, no nafatin husu atu Komisaun A konsidera ba ajenda prioridade Komisaun nian, hodi debate ho karakter normal tuir prosesu rejimental, nune’e Parlamentu bele halo altersaun refere hodi ajuda parte justisa nia servisu iha futuru.
Reuniaun ne’e prezide husi Prezidente Parlamentu Nasional, Maria Fernanda Lay no akompaña husi membru Meza sira.FIM
