Parlamentu Nasionál liu husi reuniau Plenária Extraordinária, iha loron 20 fulan novembru tinan 2024, aprova iha final global ba Proposta Orsamentu Jeral Estadu ba tinan 2025 nian, ne’ebé Governu apresenta ho total 2.6 biloens, ne’ebé aprezenta husi Governu ho Lema "Investimento em infraestrutura estratégicas, reforço da economia e melhoria do bem-estar dos cidadãos”, ho votus 42 afavor, 23 kontra no 0 abstensaun.
Depois halo aprovasaun, Komisaun C ne’ebé trata asuntu Finansas Públikas sei elabora redasaun final antes haruka ba Presidente Repúblika hodi promulga.
Antes aprovasaun iha final global ne’e, Deputadu sira halo diskusaun no aprovasaun ba osamentu alokadu ba Servisu sira mak hanesan:
Osamentu ba Institutu Nasionál ba Kombate HIV-SIDA, I.P, ho total USD 1.058.235 dolar amerikanu, aprova ho votus 42 a favor, 1 kontra no 20 abstensaun;
Osamentu ba Institutu Nasionál ba Farmasia no Produtus Médikus, ho total USD 16.431.180 dolar amerikanu, aprova ho votus 42 a favor, 2 kontra no 19 abstensaun;
Osamentu ba Institutu Nasionál ba Saúde Públika Timor-Leste, ho total USD 2.360.299 dolar amerikanu, aprova ho votus 42 a favor, 1 kontra no 20 abstensaun;
Osamentu ba Institutu Nasionál ba Dezenvolvimentu Mão-de-Obra, ho total USD 923.188 dolar amerikanu, aprova ho votus 42 a favor, 0 kontra no 21 abstensaun;
Osamentu ba Institutu ba Defeza Direitus ba Crianças, I.P, ho total USD 929.911 dolar amerikanu, aprova ho votus 42 a favor, 0 kontra no 21 abstensaun;
Osamentu ba Institutu ba Kualidade Timor-Leste, I.P, ho total USD 806.665 dolar amerikanu, aprova ho votus 42 a favor, 1 kontra no 20 abstensaun;
Osamentu ba Institutu Politekniku Betanu, ho total USD 1.195.262 dolar amerikanu, aprova ho votus 42 a favor, 0 kontra no 21 abstensaun;
Osamentu ba Millennium Challenge Account Timor-Leste, I.P, ho total USD 5.085.000 dolar amerikanu, aprova ho votus 42 a favor, 6 kontra no 15 abstensaun;
Osamentu ba Sekretariadu Tekniku Administrasaun Eleitoral, ho total USD 1.966.746 dolar amerikanu, aprova ho votus 42 a favor, 5 kontra no 16 abstensaun;
Osamentu ba Servisu Rejistu no Verifikasaun Emprezarial, I.P, ho total USD 2.195.838 dolar amerikanu, aprova ho votus 42 a favor, 4 kontra no 17 abstensaun;
Osamentu ba Servisu Nasionál ba Ambulansias no Emerjensia Médika, I.P, ho total USD 3.093.293 dolar amerikanu, aprova ho votus 43 a favor, 1 kontra no 19 abstensaun;
Osamentu ba TATOLI- Ajensia Notisioza Timor-Leste, I.P, ho total USD 667.055 dolar amerikanu, aprova ho votus 42 a favor,3 kontra no 18 abstensaun;
Osamentu ba Unidade Misaun ba Kombate ba Stunting, ho total USD 288.680 dolar amerikanu, aprova ho votus 42 a favor, 1 kontra no 20 abstensaun;
Osamentu ba Universidade Nasionál Timor Lorosa’e, ho total USD 16.431.180 dolar amerikanu, aprova ho votus 43 a favor, 0 kontra no 20 abstensaun;
Depois de aprovasaun tabela osamental ba servisu sira, Deputadu sira kontinua diskute no aprova artigo 2.º Aprovasaun ba tabela osamentais ho votus 42 a favor, 22 Kontra no 0 abstensaun; Artigo 3.º Impostos, taxas no kontribuisoens, ho votus 42 a favor, 22 kontra no 0 abstensaun; Artigo 4.º Tranferenias Fundu Petroliferu, ho votus 42 a favor, 22 kontra no 0 Abstensaun, Artigo-5.º Dívida Pública, ho votus 42 afavor, 22 kontra no 1 abstensaun; Artigo 6.º-Garatias, ho votus 41 a favor, 23 kontra no 0 abstensaun; Artigo 7.º-Transferénsias entre Subsetores, ho votus 42 a favor, 23 Kontra no 0 abstensaun; Artigo 8.º-Tranferências ba saldos ba Seguransa Sosial, ho votus 42 a favor, 23 kontra no 0 Abstensaun no artigo 9.º Entrada em Vigor no Produsaun Efeitus, Aprova ho votus 42 a favor, 23 kontra no 0 Abstensaun.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan Prezensa husi Primeiru-Ministru, Kay Rala Xanana Gusmão ho membru Governu sira. FIM
