Parlamentu Nasionál liu husi reuniau Plenária Extraordinária, iha loron 15 fulan novembru tinan 2024, kontinua halo diskusaun no aprovasaun iha espesialidade ba Proposta Orsamentu Jeral Estadu ba tinan 2025 nian.
Iha loron dahaat ne’e, Deputadu sira hahú ho diskusaun no aprovasaun ba osamentu alokadu ba Ministériu no sekretaria Estadu sira mak hanesan:
Ministériu Saúde ho total USD 73.931.148 dolar amerikanu, ho votus 42 a favor, 0 kontra no 22 abstensaun;
Osamentu ba Ministériu Edukasaun ho total USD 113.098.784 dolar amerikanu, aprova ho votus 42 a favor, 0 kontra no 20 abstensaun;
Osamentu ba Ministériu Ensinu Superior, Siénsia no Kultura ho total USD 6.957.923 aprova ho votus 43 a favor, 0 kontra no 19 abstensaun;
Osamentu ba Ministériu ba Asuntu Kombatentes Libertasaun Nasionál ho total USD 207.069.136 aprova ho votus 45 a favor, 0 kontra no 17 abstensaun;
Osamentu ba Ministériu Obras Públikas ho total USD 270.757.350 dolar amerikanu, aprova ho votus 43 a favor, 15 kontra no 5 abstensaun;
Osamentu ba Ministériu Transporte no Komunikasaun ho total USD 13.353.528 dolar amerikanu, ho votus 42 a favor, 18 kontra no 3 abstensaun;
Osamentu ba Ministériu Turismu no Ambiente ho total USD 10.963.847, ho votus 43 a favor, 12 kontra no 8 abstensaun;
Osamentu ba Ministériu Komersiu no Indústria ho total USD 8.731.462, ho votus 44 a favor, 16 kontra no 3 abstensaun;
Osanmentu ba Ministériu Dezenvolvimentu Rural no Habitasaun Komunitária ho total USD 13.000.721, ho votus 40 a favor, 20 kontra no 3 abstensaun;
Osamentu ba Ministériu Agrikultura, Pekuaria, Peska no Floresta ho total USD 25.770.785, ho votus 42 a favor, 9 kontra no 12 abstensaun;
Antes aprovasaun, Deputadu sira halo diskusaun no votasaun ba proposta alterasaun sira, no ikus proposta sira la-aprovadu, ho nune, montante osamentu alokadu la sofre alterasaun.
Diskusaun ne’e ensera iha 19h00 no sei kontinua iha loron 18 fulan novembru tinan 2024 hodi diskute ba orsamentu Ministériu no Sekretaria Estadu sira seluk.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan Prezensa husi Primeiru-Ministru, Kay Rala Xanana Gusmão ho membru Governu sira. FIM
