Parlamentu Nasionál, liu husi Komisaun Espesializa Permanente sira, iha loron 19 fulan setembru tinan 2024, halao reuniaun tuir agenda ne’ebe mak aprova ona, mak hanesan:
Komisaun B ne’ebé trata Asuntu Negosiu Estranjeiru, Defeza no Seguransa, halo diskusaun no aprovasaun ba relatório no pareser husi Proposta Resolusaun n.º 06/VI(1.ª), n.º 07/VI(1.ª), n.º 08/VI(1.ª), kona-ba izensaun ba vistu ba objetivu turístiku sira ba titulár pasaporte ordináriu sira husi Brunei Darussalam, Reinu Tailándia no Singapura.
Komisaun C ne’ebé trata Asuntu Finansas Públikas, halo apresisaun no aprovasaun ba redasaun final Orsamentu Privativu Parlamentu Nasional nian.
Komisaun D ne’ebé trta Asuntu Ekonomia no Dezenvolvimentu, halo apresiasaun no aprovasaun ba atas husi reuniaun sira anterior no-mos halo apresisaun no aprovasaun ba relatóriu atiidade 1ª sesaun legislativa husi VI Lejislatura nian.
Komisaun E ne’ebé trata Asuntu Infraestrutura, halo apresisaun no aprovasaun ba relatóriu atiidade 1ª sesaun legislativa husi VI Lejislatura nian, nune’e mos halo avaliasaun ba servisu Komisaun nian durante 1ª sesaun legislativa, nune’e mos halo apresisaun ba planu atividade fiskalizasaun iha munisipiu inklui atividade konsulta pública.
Komisaun F ne’ebé trata Asuntu Saúde, Seguransa Sosial no Igualde Jéneru, halo apresisaun no aprovasaun ba relatório fiskalizasaun ba munisipiu Ermera, alén de ne’e halo mos aprovasaun ba kelendáriu vizita fiskalizasaun ba munisipiu Aileu no Viqueque.
Komisaun G ne’ebé trata Asuntu Edukasaun, Juventude, Kultura no Sidadania, realiza diskusaun no aprovasaun ba kelendárizasaun atividade ba fulan setembro to’o dezembro tinan 2024 nian.
Iha parte seluk, Komisaun A nebe’e trata Asuntu Konstitusional no Justisa, mantén ho ajenda nakloke. FIM
