Parlamentu Nasionál liu husi reuniaun plenária ordinária, iha loron 17 fulan setembru tinan 2024, halo diskusaun no votasaun ba proposta de Resolução n.º 9/VI(1.ª) – Ratifica o Acordo no âmbito da Convenção das Nações Unidas sobre o Direito do Mar, relativo a conservação e à utilização sustentável da diversidade biológica marinha das áreas não sujeitas à jurisdição nacional. Proposta Rezolusaun ne’e, Deputadu sira aprova ho unanimidade ho votos 63 a favor, 0 kontra no 0 abstensaun.
Alem de ne’e, Meza halo anunsiu no baixa ba komisaun A ne’ebé trata asuntu konstitusionais no Justisa proposta Lei n.º 11/VI(1.ª) – Autorização legislativa em matéria de fixação de limite de idade para a relação de trabalho de funcionários públicos e agentes administração
Antes de aprovasaun ba Projetu de Rezolusaun ne’e, iha período de antes da ordem do Dia, Meza hato’o informasaun kona-ba visita privada Sua Exia Prezidente República, Dr. José ramos Horta ba iha prinsípiu Mónaco nian iha loron 24 to 30 fulan setembro tinan 2024. Nune’e mos informasaun kona-ba relatóriu husi Komisaun D ne’ebé trata asuntu Ekonomia no Dezenvolvimentu relativu ba partisipasaun iha workshop kona-ba promosaun no investimento responsável ho naran “ Alimentus, agricultura no floresta”, iha Bali-Indonésia ne’ebe promove husi AIPA-FAO-IISD.
Entertantu, iha intervensaun diversas, Deputadu sira apresenta preokupasaun kona-ba problema infraestrutura básica, problema edukasaun, problema saúde no informasaun importante sira seluk.
Iha parte lokraik, Deputadu sira halo diskusaun ba Projetu Rezolusaun N.º 49/VI(1ª) – kona-ba Orsamentu Parlamentu Nasional ba Tinan 2025, iha diskusaun ne’e Deputadu balun hato’o proposta de alterasaun ba item balun nebe mak precisa altera no adita, ho nune’e, diskusaun ne’e sei kontinua iha loron tuir mai, 18 fulan setembro tinan 2024.
Sesaun Plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Ministru Agricultura, Pekuaria, Peska no Floresta, Marcos da Cruz, Vice-Ministra ba asuntu ASEAN, Sra. Milena Maria da Costa Rangel no Vise-Ministru ba Asuntu Parlamentar, Aderito Hugo da Costa no Sekretariu-Jeral Parlamentu Nasionál, Sr. Edgar Sequeira Martins ho nia komitiva. FIM
