Parlamentu Nasionál liu husi Komisaun Permanente, iha loron 20 fulan agostu tinan 2024, halo reuniaun plenária daneen ne’ebe prezide husi Prezidente Parlamentu Nasionál, Deputada Maria Fernanda Lay.
Iha reuniaun plenária daneen ne’e, Deputadu sira hato’o Parabéns ba Komemorasaun loron FALINTIL- Frente Armada Libertação Nacional de Timor-Leste ba dala 49. Além de ne’e hato’o mos kestaun sira mak hanesan, processo kazu lighthouse, bandeira ne’ebé iha estatua Presidente Nicolau Lobato nia liman iha Comoro nia kondisaun at, tinta passadeiras nian iha estrada Díli laran la-mos ona, problema infraestrutura bázika hanesan eletricidade, estrada, ponte, no kestaun importante sira seluk ne’ebe presija atensaun no intervensaun emediata husi Governu.
Iha período ordem do dia nian, Mesa anunsiu no baixa ba Komisaun B, ne’ebé trata Asuntu Negosius Estranjeirus, Defeza no Seguransa Proposta Rezolusaun n.º 9/VI(1.ª) -Ratifica o acordo, no âmbito da convenção das nações Unidas sobre o Direito do Mar, relativo à conservação e à Utilização sustentável da diversidade biológica marinha das áreas não sujeitas à jurisdição nacional, além de ne’e, Deputado sira, halo diskusaun no aprovasaun ho unanimidade ho votos 14 a favor, 0 kontra no 0 abstensaun ba Projeto de Deliberação da Comissão Permanente do Parlamento Nacional n.º 3/VI (1ª) – Autoriza à Comissão de Negócios Estrangeiros, Defesa e Segurança para reunir e deliberar sobre a proposta de Resolução n.º9/VI(1.º).
Sesaun plenária ne’e preside husi Presidente Parlamentu Nasionál, Deputada Maria Fernanda lay, no akompaña husi membru Meza sira no hetan prezensa husi Vise-Ministru ba Asuntu Parlamentar, Adérito Hugo da Costa. FIM
