Parlamentu Nasionál liu husi Komisaun Permanente, iha loron 13 fulan agostu tinan 2024, halo reuniaun plenária dalima ne’ebe prezide husi Prezidente Parlamentu Nasionál, Deputada Maria Fernanda Lay.
Iha reuniaun plenária dalima ne’e, Mesa hato’o informasaun kona-ba submisaun relatóriu exekusaun segundu trismestre tinan 2024 nian, nebe hatun ona ba Comissão permanente no Comissão C, nebe’e trata Asuntu Finansas Públikas, hodi prepara relatório no pareser, nune’e mos informasaun kona-ba relatório visita Sua Exia Prezidente Repúblika ba Repúblika Popular China no Repúblika Sosialista Vietnam.
Iha oportunidade ida ne’e mos, Bankada Parlamentar FRETILIN hato’o deklarasaun politika kona-ba dever Órgão Soberania sira nian hodi servi povo tuir prinsípiu legalidade ne’ebé iha, Bankada Parlamentar KHUNTO hato’o deklarasaun politika kona-ba problema edukasaun no floresta.
Além de ne’e, Deputadu sira membru Komisaun Permanente nian aprezenta preokupasaun sira kona-ba problema infraestrutura bázika hanesan estrada, ponte, irrigasaun, no-mos problema kona-ba labarik menor idade fan sasan iha estrada ninin, problema iha área edukasaun no saúde, problema sinais trânsitos no kestaun importante sira seluk ne’ebe presija atensaun husi Governu.
Iha período ordem do dia nian, Deputado sira, halo diskusaun no aprovasaun ho unanimidade ho votos 13 a favor, 0 kontra no 0 abstensaun ba Projeto de deliberação da Comissão Permanente do Parlamento n.º 2/VI (1ª) – convocação do Parlamento Nacional para reunir, em sessão solene plenária, no dia 30 de agosto de 2024.
Sesaun plenária ne’e preside husi Presidente Parlamentu Nasionál, Deputada Maria Fernanda lay, no akompaña husi membru Meza sira no hetan prezensa husi Vise-Ministru ba Asuntu Parlamentar, Adérito Hugo da Costa. FIM
