Parlamentu Nasionál liu husi Komisaun D ne’ebe trata assuntu Ekonomi Dezemvolvimentu, liderado husi Vice-Presidente, Deputado Manuel Henrique Noronha, no akompaña husi membro Comissão D, Deputado Antoninho Bianco inklui tekniku ida, participa iha workshop konjunta organizado husi AIPA no apoiado husi FAO, ho kolaborasaun téknika husi Instituto Internacional Desenvolvimento Sustentável (IISD) no suporta husi representante Uma Fukun Repúblika Indonésia.
Workshop konjunta ne’e nudar kontinuasaun diskusaun no diálogo ba finalizasaun Quadro Implementasaun Parlamentar 2025-2030, ba implementasaun ASEAN RAI. Workshop ne’e rasik nudar follow up ba rezolusaun ne’ebé adota iha Assembleia Geral AIPA 44ª tinan 2023 kona-ba “Encoraja aplikasaun ASEAN guidelines ba Promosaun Investimentu Responsável iha Agrikultura (RAI)”. Workshop ne’e realiza iha loron 24 to’o 25 fulan jullu tinan 2024 iha Sthala Ubud, Bali, Indonésia, ho objetivo atu:
• Melhora kompreensaun husi parlamentares kona-ba investimentu responsável iha agrikultura, alimentasaun no floresta (FAF) hodi enfatiza papel parlamentares nian iha promosaun ba investimentu nebe’e responsável iha ASEAN;
• Facilita kolaborasaun parte interessada oioin entre parlamentar sira, polítiko sira, setor privado, sociedade civil, no akadémia;
• Halibur hanoin husi parte interessadas relevante iha implementasaun ASEAN RAI;
• Estabelese rede (network) ida entre parte interessada principal sira no haburas kompromisso ida ba kolaborasaun ba implementasaun no fiskalizasaun efetivo ASEAN RAI;
• Kontinua desenvolve no finaliza Quadro Implementasaun Parlamentar ASEAN RAI nian.
Workshop konjunta ne’e halao ho sucesso no consegue finaliza Quadro Implementasaun Parlamentar ASEAN RAI. Quadro Implementasaun Parlamentar ne’e sei aprova iha Assembleia Geral nebe’e sei reliza iha Repúblika Demokátika Popular Laos. FIM
