Parlamentu Nasionál liu husi Komisaun Permanente, iha loron 30 fulan jullu tinan 2024, halo reuniaun plenária datoluk ne’ebe prezide husi Vice-Prezidente Parlamentu Nasionál, Deputadu Alexandrino Afonso Nunes.
Iha reuniaun plenária datoluk ne’e, Bankada Parlamentar rua hato’o deklarasaun politika, mak hanesan deklarasaun primeiru koalia kona-ba orsamento ne’ebé la to’o atu selu funsionáriu sira iha tinan 2024, no ida seluk kona-ba dezenvolvimentu lao la-tuir programa nebe aprova ona, hanesan implementasaun programa PNDS, infraestrutura, Agricultura, funsaun públika no área de saúde.
Além de ne’e, Deputadu sira membru Komisaun Permanente nian aprezenta preokupasaun sira kona-ba implementasaun lei Protokolu Estado nebe aprova ona, Governu precisa halo decreto lei ruma ba uniformiza folin mina. Nune mos, apresenta necessidade ba implementasaun política de limpeza iha estrada sira iha Dili inklui munisipiu sira, no mos apresenta problema kona-ba infraestrutura bázika hanesan estrada, ponte, engarrafamento na cidade de Díli, konstrusaun merkadu mini iha Bairro Pite, problema iha área saúde, edukasaun, no-mos informasaun importante sira seluk ne’ebe presija atensaun husi Governu.
Sesaun plenária ne’e preside husi Vice-Presidente Parlamentu Nasionál, Deputadu Alexandrino Afonso Nunes, no akompaña husi membru Meza sira no hetan prezensa husi Vise-Ministru ba Asuntu Parlamentar, Adérito Hugo da Costa. FIM
