Parlamentu Nasionál liu husi sesaun plenária ordinária iha loron 15 fulan jullu tinan 2024, konstitui Komisaun Parlamentar Inkeritu ba atus Guvernu iha área saúde, ne’ebé representa proporcionalmente husi Bankada Parlamentares CNRT, FRETILIN, PD, KHUNTO no PLP.
Membru komisaun inkeritu ida ne’e sei simu posse no hahu halao servisu iha inísiu segunda sesaun legislativa iha fulan setembru tinan 2024.
Além de ne’e, iha período de antes da ordem do dia, iha informasaun kona-ba vizita privada Sua Exia. Prezidente Repúblika ba Australia entre loron 10 to’o 21 fulan jullu tinan 2024; informasaun kona-ba selebrasaun Aniversáriu loron konsulta popular ba dala 25.º iha loron 30 fulan agustu tinan 1999; no-mós informasaun kona-ba membrus komisaun permanente, ne’ebé sei funsiona durante tempu resesu parlamentar.
Sesaun plenária ne’e mós Bankada Parlamentar sira kontinua aprezenta deklarasaun politika ne’ebe koalia kona-ba implementasaun programa IX Governu Konstitusional nian. Além de ne’e, koalia mos kona-ba problema agricultura.
Iha intervensaun diversas, Deputadu sira apresenta kestaun mak hanesan, Estatua Cristo Rei iha tempu kalan laiha ahi eletricidade; problema infraestrutura; problema professores kontratadus no informasaun importante sira seluk ne’ebé povo infrenta iha território nasionál.
Hafoin ida-ne’e, Mesa halo anúnsiu admisaun no baixa ba Komisaun B ne’ebé trata Asuntu Negosiu Estranjeiru, Defeza no Seguransa Nasionál, PPR n.º 6/VI(1ª) – Ratifica o acordo entre o Governo da RDTL e o Governo da Sua Majestade e Sultão e Yang Di-Pertuan do Brunei Darussalam sobre a isenção de visto para titulares de passaportes diplomáticos e oficiais ou de serviço; da PPR n.º 7/VI(1º) – Ratifica o acordo entre a Governo da RDTL e o Governo do reino da Tailândia sobre a isenção de visto para fins Turísticos para titulares de passaporte comum e da PPR n.º 8/VI(1º) – Ratifica o acorde entre o Governo da RDTL e o Governo da República de Singapura sobre a isenção de visto para titulares de Passaportes Diplomáticos e oficiais ou de serviço e ordinários.
Deputadu sira mos halo aprovasaun ba edisaun jornal Parlamentu Nasionál serie I-A/n.º 12, loron 7 fulan agostu tinan 2023 no I-A/n.º 13, loron 14 fulan agostu tinan 2024, ho votus 50 a favor; 0 Kontra no 4 abstensaun.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan partisipasaun husi Sekretária Estadu ba Igualdade, Sra. Elvina Sousa Carvalho representa Vice-Ministru ba Asuntu Parlamentar. FIM
