Parlamentu Nasionál liu husi, sesaun plenária ordinária iha loron 18 fulan juñu tinan 2024, fo autorizasaun ba dezlokasaun Prezidente Repúblika, José Manuel Ramos Horta, atu halo vizita Estadu ba Moçambique no Angola iha loron 02 too 13 fulan julhu tinan 2024, ho 35 votus a favor, 10 kontra no 1 abstensaun.
Vizita Estadu ne’e halo hodi responde ba konvite husi husi Prezidente Repúblika Moçambique no Prezidente Repúblika Angola nian.
Além de ne’e, Mesa baixa ba Komisaun A ne’ebé trata Asuntu Konstitusionais no Justisa Proposta de Lei n.º 10/VI(1ª) - Regime Jurídico das Garantias Mobiliárias.
Iha reuniaun plenaria neé mos Bankada Parlamentar FRETILIN hato’o deklarasaun politika kona-ba folin fos ne’ebé mak kontinua sae ba bebeik, mesmu Governu atribui ona subsídiu ba kompañia distributor fos nian, ho nune Bankada Fretilin exigi ba Tribunal Kontas atu halo auditoria tuir prosedimentu no objetivu política husi subsídiu ida ne’e rasik.
Entertantu iha intervensaun diversas nian, Deputadu sira aprezenta kestaun kona-ba, problema estrada; folin fos kontinua sae; problema saúde; problema edukasaun; situasaun traballador timor oan nebe servisu iha kompañia estrajeirus nian iha rai laran no rai liu hetan diskriminasaun no presaun husi patraun sira no mos informasaun importante sira seluk;
Reuniaun plenaria ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
