Pagina Inicial»Noticia
Meza Parlamentu Nasionál liu husi sesaun plenaria ordinaria iha loron 26 fulan fevereiru tinan 2024, anúnsia ba Deputadu sira kona-ba envolvimentu Deputadu sira iha Komisaun Eventual ba Akompañamentu Prosesu Adezaun ba ASEAN.
Membru sira ba Komisaun Eventual mak hanesan; Bankada FRETILIN Deputada Lidia Norberta dos Santos Martins no Deputada Cristina Yuri Rebelo dos Santos Costa (efetivu), Deputadu David Dias Ximenes “Mandati’ no Deputadu Antoninho Doutel Sarmento (suplente); Bankada CNRT Deputadu Duarte Nunes, Deputadu Patrocino Fernandes dos Reis no Deputadu Domingos Augusto “DEKER” (efetivu), Deputada Virginia Ana Belo, Deputada Maria Gorumali Barreto no Deputadu Mateus da Cruz de Carvalho (suplente).
Hafoin anúnsiu, kontinua kedas ba deklarasaun politika Bankada FRETILIN ne’ebe ko’alia kona-ba inkonstitusionalidade ba lei indultu no komutasaun pena nian liga ba desijaun Prezidente Repúblika nian.
Iha intervensaun diversa nian, Deputadu sira preokupa kona-ba menuz profesor sira iha eskola balun ne’ebe afeta ba prosesu aprendijazen, menuz pesoal saude iha postu saude sira inlkui asuntu importante sira seluk.
Entretantu iha periodo da ordem do dia nian, Deputadu sira halo aprovasaun ba Jornal do Parlamento Nacional Série I-A/numero 8, ba loron 18fulan jullu tinan 2023, ho 40 a favor 0 kontra no 2 abstensaun.
Reuniaun Plenaria ne’e, prezide husi Prezidente Parlamentu Nasionál interiña, Deputada Maria Terezinha Viegas, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa . FIM
