Delegação ida hussi Parlamento Nacional sei hola parte iha Seminário ho Nível Aas kona-ba Fiscalização Legislativa ba Ciclo Orçamental e Controlo Externo ba Contas Públicas iha Países Africanos de Língua Oficial Portuguesa (PALOP) no iha Timor-Leste, ne’ebé sei hala’o iha 9-13 março 2015, iha Cidade da Praia, iha Cabo Verde.
Delegado na’in-rua ne’ebé representa Parlamento Nacional de Timor-Leste maka Sr. Deputado Virgílio Maria Dias Marçal, nu’udar Presidente da Comissão de Finanças Públicas, no Sra. Deputada Maria Fernanda Lay, nu’udar Secretária da Mesa do Parlamento Nacional. Representante sira hussi Parlamento Nacional de Timor-Leste sei hato’o apresentação ida kona-ba papel ne’ebé Parlamento hala’o hodi fiscaliza Orçamento Estado nian.
Seminário ne’e nia objetivo maka atu reforça capacidades técnicas e funcionais hussi Instituições Superiores Controlo nian (Tribunais de Contas), Parlamento Nacional sira e Sociedade Civil atu controla Finanças Públicas iha PALOP no iha Timor-Leste – Pro PALOP-TL ISC - projeto ne’ebé hahú liutiha acordo ida ne’ebé assina iha 23 de dezembro de 2013 entre União Europeia, PNUD no Governo Cabo Verde nian, iha Cabo Verde.
Pro PALOP-TL ne’e projeto ida ho financiamento hussi União Europeia ne’ebé PNUD administra diretamente desde janeiro de 2014, no nação beneficiário sira maka Angola, Cabo Verde, Guiné-Bissau, Moçambique, São Tomé e Príncipe e Timor-Leste. Projeto ne’e prevê atividade relevante oioin ba nação sira-ne’e atu aprende no hanorin malu iha PALOP no Timor-Leste, hodi fó biban ba troca experiência nu’udar mecanismo di’ak no eficaz atu desenvolve capacidades institucionais e humanas atu hala’o fiscalização legislativa no controlo externo eficaz liután ba processo orçamento, contas e despesas públicas nian iha nação ida-idak.
Assembleia Nacional de Cabo Verde maka uma-na’in ne’ebé organiza Seminário ne’e, serbissu lissuk ho Banco Mundial, gabinete PNUD nian no União Europeia nia delegação iha Cabo Verde.
