Pagina Inicial»Noticia
Parlamentu Nasionál liu husi sesaun plenária ordinária iha loron 21 fulan marsu tinan 2023, halo debate ho Governu ne’ebe reprezenta husi Ministru Finansas, Rui Augusto Gomes, kona-ba Konta Jerál Estadu tinan 2021 nian.
Debate ne’e hahú ho intervensaun husi Bankada CNRT relasiona ho Konta Jerál Estadu tinan 2021 kontinua kedas ho intervensaun husi Ministru Finansas nian.
Hafoin ida-ne’e, Komisaun C ne’ebe trata asuntu Finansas Públikas, aprezenta nia relatóriu no pareser no hetan kedas reposta husi Governu kona-ba relatório refere.
Iha intervensaun Deputadu sira-nian ba Konta Jerál Estadu refere husu atu Governu melhoria iha tinan sira tuir mai. Deputadu sira mós apresia Governu ne’ebe konsege halo mudansa ba sistema balun hodi apoia ba prosesu dezenvolvimentu.
Antes termina debate refere, Deputadu sira aprova rezolusaun ida hodi delibera Konta Jerál Estadu 2021 nian, ho 42 a favor, 0 kontra no 5 abstensaun.
Sesaun debate ne’e prezide husi Prezidente Parlamentu Nasionál, Aniceto Longuinhos Guterres Lopes, ho prezensa husi Ministru Finansas, akompaña husi Ministru Asuntu Parlamentares no Komunikasaun Sosial. FIM
