Pagina Inicial»Noticia
Parlamentu Nasionál liu husi sesaun plenária ordinária iha loron 30 fulan janeiru tinan 2023, diskuti ona Proposta Lei n.o 14/V(2ª) – Regime Jurídico de Segurança Social dos Titulares dos Órgãos de Soberania, iha jeneralidade.
Diskusaun ba proposta lei ne’e hetan prezensa husi Vise-Ministra Solidariedade Sosial no Inkluzaun, Signi Chandrawati Verdial, ho nia ekipa.
Durante diskusaun, koalia liu kona-ba mekanismu no prosesu tuir lei oinsa membru sira orgaun soberania bele hetan direitu tuir lei refere bainhira termina nia mandatu.
Iha sesaun plenária ne’e mós halo aprezentasaun ba relatóriu kona-ba partisipasaun iha Asembleia Jeral AIPA ba dala 43, iha Kamboja iha loron 19 too 25 novembru tinan 2022.
Entretantu iha intervensaun diversa, Deputadu sira kontinua sujere ba Governu atu rezolve estrada no ponte sira iha munisipiu, kondisaun no atendimentu iha Hospital Nasionál Guido Valadares no asuntu importante sira seluk. FIM
