Pagina Inicial»Noticia
Parlamentu Nasionál liu husi sesaun plenária ordinária iha loron 20 fulan dezembro tinan 2022, aprova hikas reformulasaun Dekretu Parlamentu Nasionál n.o 68/V – Orsamentu Jeral Estadu 2023 nian, ho 40 votu a favor, 0 kontra no 20 abstensaun.
Iha sesaun plenária ne’e mós aprova iha final global Projetu Lei n.o 44/V(4ª) – alterasaun dahuluk ba Estatuto Funsionários Parlamentares; Projetu Lei n.o 45/V(4ª) – alterasaun dahuluk ba Lei Organizasaun no Funsionamentu Administrasaun Parlamentar no Projetu Lei n.o 46/V(4ª) – alterasaun daruak ba Estatuto Deputadu sira-nian.
Antes tama ba intervensaun diversa nian, Bankada Parlamentar KHUNTO liu husi Vise-Prezidente Bankada, Deputadu Antonio Verdial, aprezenta deklarasaun bankada ne’ebe koalia kona-ba politika Estadu ho administrasaun publika.
Entretantu iha intervensaun diversa, Deputadu sira informa kona-ba kondisaun irigasaun Maliana I no II, ponte ligasaun Munisipiu Viqueque ne’ebe iha kondisaun aat, kondisaun Ró Berlin Ramelau no asuntu sira seluk. FIM
