Pagina Inicial»Noticia
Parlamentu Nasionál iha sesaun Plenaria iha loron 12 fulan jullu tinan 2022, liu husi votasaun ho unanimidade, 60 a favor, 0 kontra no 0 abstensaun, autoriza vizita Prezidente Repúblika ba Indonézia iha loron 18 fulan jullu tinan 2022.
Vizita Estadu ne’e realiza bazeia ba konvite husi Prezidente Repúblika Indonézia, Joko Widodo, no sei akompaña mós delegasaun husi Deputadu sira ne’ebe reprezenta Bankada Parlamentares.
Iha sesaun plenária ne’e mós aprova votu pezár ba falesimentu eis Primeiru-Ministru Japaun, Shinzo Abe no eis Prezidente Repúblika Angola, José Eduardo dos Santos, ho votu 59 a favor, 0 kontra no 0 abstensaun.
Alem de ne’e, aprova mós Projetu Rezolusaun Parlamentu Nasionál n.o 100/V(4ª) – kona-ba lokalizasaun ba edifisiu foun Parlamentu Nasionál nian.
Antes termina sesaun plenária ne’e, Deputadu sira mós halo aprovasaun iha jeneralidade ba Proposta Lei n.o 39/V(4ª) – alterasaun daruak ba Lei n.o 10/2004, loron 24 fulan dezembro, Lei Sistema Saude. FIM
