Pagina Inicial»Noticia
Grupu Traballu Nasionál ba Liberdade Asesu Informasaun ne’ebe lidera husi Diretor CEPAD, João Boavida, halo audiénsia ho Prezidente Parlamentu Nasionál, Aniceto Longuinhos Guterres Lopes, iha loron 23 fulan juñu tinan 2022, iha Gabinete Prezidente nian.
Grupu Traballu Nasionál ne’e kompostu husi instituisaun sira hanesan; PDHJ, KAK, Komisaun Funsaun Públika, Universidade sira, ONG, Igreja Katólika no reprezentante husi ministériu xave sira.
Objetivu reuniaun ne’e atu husu apoiu husi Parlamentu Nasionál liu husi Prezidente Parlamentu Nasionál hodi kria enkuadramentu legal ida kona-ba asesu ba informasaun, nu’udar direitu fundamental ida ba sidadaun sira ne’ebe konsagra iha Konstituisaun RDTL artigu 40.
Prezidente Parlamentu Nasionál apresia inisiativa husi Grupu Traballu ne’e oinsá garante direitu fundamental sidadaun sira-nian.
Parlamentu Nasionál hanesan orgaun lejisladór, nakloke no simu karik iha ona esbosu ka anteprojeto ruma hodi fasilita di’ak liu tan Deputadu sira halo diskusaun. FIM
