Pagina Inicial»Noticia
Parlamentu Nasionál, iha loron 17 fulan maiu tinan 2022, iha Ministeriu Finansas, organiza semináriu ida ba okaziaun Tinan 20 Konstituisaun RDTL.
Semináriu ne’e loke husi Prezidente Repúblika, Francisco Guterres Lu-Olo, ho prezensa husi Prezidente Parlamentu Nasionál, Aniceto Longuinhos Guterres Lopes, Deputadu sira, membru Asembleia Konstituinte sira, membru Governu no konvidadu sira seluk.
Orador ba semináriu ne’e mak; Dr. José Luis Oliveira (ONG AJAR), Dr. João Boavida (ONG CEPAD), Pe. Júlio Crispim (Docente), Virgílio Guterres (Prezidente Konsellu Imprensa), Dra. Lúcia Lobato (Membru Asembleia Konstituinte), aprezenta topiku kona-ba perspetivas da sociedade civil sobre a Constituição, objetivos do Estado e o desenvolvimento da sociedade timorense.
Orador sira daruak nian mak hanesan; Dra. Maria Natércia Gusmão Pereira (Juiz Konselleira Tribunal Rekursu), Dr. Alexandre Corte-Real de Araújo, Dr. Jorge Graça, Dra. Remigia de Fatima da Silva no Dra. Jesuina Maria Ferreira Gomes, aprezenta topiku kona-ba a Constituição e a construção da democracia em Timor-Leste, caminho percorrida e desafios futuros.
Ikus liu ho orador sira internasional hanesan Dra. Ângela Carrascalão, Prof. Doutor Bacelar de Vasconcelos e Prof. Doutor Jaime Valle, ne’ebe aprezenta liu husi videoconferência, ho topiku kona-ba revizaun Konstituisaun.
Durante aprezentasaun matéria, iha mós sesaun husu no hatan entre panelista no participante sira. FIM
