Pagina Inicial»Noticia
Parlamentu Nasionál iha sesaun plenária ba loron 26 fulan abril tinan 2022, aprova ona Lei de Radiodifusão iha Jeneralidade ho 49 votu a favor, 0 kontra no 0 abstensaun.
Lei ne’e rasik ho objetivu atu regula di’ak liu tan kriasaun radio no televizaun iha Timor-Leste ho nia prosedimentu sira no seluktan.
Além de ne’e, Deputadu sira mós liu husi votasaun sekretu, autoriza suspensaun ba Deputadu António da Conceição hodi tuir prosesu iha Tribunal.
Entretantu iha intervensaun diversa husi Deputadu sira kontinua alerta ba Governu atu rezolve preokupasaun komunidade sira-nian liuliu ba estada, eletricidade, ponte no seluk tan.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru sira no hetan prezensa husi Ministru ba Asuntu Parlamentares no Komunikasaun Sosial, Francisco Martins da Costa Pereira Jerónimo.
