Pagina Inicial»Noticia
Komisaun F ne’ebé trata asuntu Saúde, Seguransa Sosiál no Igualdade Jéneru, iha loron 28 fulan fevereiro tinan 2022, aprezenta nia relatóriu fiskalizasaun iha sesaun plenária.
Relatóriu fiskalizasaun ne’ebé aprezenta ne’e ba atividade fiskalizasaun ba Munisípiu Covalima foin lalais ne’e.
Entretantu iha intervensaun diversa nian, Deputadu sira aprezenta kona-ba kondisaun estrada no ponte sira hafoin udan boot iha semana kotuk ne’ebé hetan estraga no asuntu importante sira seluk.
Iha sesaun plenária ne’e mós Meza Parlamentu Nasionál baixa ba Komisaun F, kona-ba Proposta Lei n.o 36/V(4ª) – aliterasaun dahuluk ba lei n.o 24/2021, loron 19 fulan novembro ne’ebé prosede ba aliterasaun dahuluk Lei n.o 10/2004, loron 24 fulan novembro, Lei ba Sistema Saúde ne’ebé aprova medida exesionál no temporária ba vijilánsia sanitária ne’ebé resposta ba pandemia Covid-19.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira.
