Pagina Inicial»Noticia
Parlamentu Nasionál liu husi sesaun plenária ordinária iha loron 21 fulan fevereiro tinan 2022, aprova Proposta Rezolusaun sira hanesan; Proposta Rezolusaun n.o 5/V(4ª) – Ratifica, para adesão, a Convenção Internacional sobre Normas de Formação, de Certificação e de Serviço de Quartos para os Marítimos de 1978 (STCW), ho 47 votu a favor, 0 kontra no 0 abstensaun; Proposta Rezolusaun n.o 6/V(4ª) – Ratifica, para adesão, a Convenção Internacional para a Prevenção da Poluição por Navios de 1973, com os seus protocolos (MARPOL), ho 48 votu a favor, 0 kontra no 0 abstensaun no Proposta Rezolusaun 7/V(4ª) – Ratifica, para adesão, a Convenção Internacional para a Salvaguarda da Vida Humana no Mar de 1974 e o Respetivo Protocolo de 1978 (SOLAS), ho 48 votu a favor, 0 kontra no 0 abstensaun.
Aprovasaun ba proposta rezolusaun sira ne’e hetan prezensa husi Ministru Transportes no Komunikasaun, José Agustinho da Silva no Vise-Ministru Negósiu Estranjeiru no Kooperasaun, Julião da Silva.
Sesaun plenária ne’e mós baixa ba Komisaun A, Projetu Lei n.o 39/V(4ª) – aliterasaun daruak ba Lei n.o 7/2004, loron 5 fulan maio, ne’ebé aprova Estatuto ba Provedor Diretus Humanus no Justisa. No baixa ba Komisaun B, Proposta Rezolusaun n.o 8/V(4ª) – Ratifica, para adesão, a Convenção sobre o Regulamento Internacional para Evitar Abalroamentos no Mar de 1972.
Iha intervensaun diversa, Deputadu sira kontinua sujere ba Governu atu kontrola no halo prevensaun másimu ba kazu dengue tanba udan sei kontinua iha territóriu tomak.
