Pagina Inicial»Noticia
Parlamentu Nasionál liu husi sesaun plenária ordinária iha loron 7 no 8 fulan Fevereiru tinan 2022, halo ona apresiasaun foun ba Dekretu Parlamentu Nasionál n.o 50/V – aliterasaun dahuluk ba Lei n.o 5/2016, loron 25 fulan maio ne’ebé estabelese prosedimentu konsesaun ba indultu no komutasaun ba pena, ho 40 votos a favor, 0 kontra no 4 abstensaun.
Sesaun plenária ne’e mós Deputadu sira aprova votu solidariedade ba Dr. Bernard Collaery nia kontribuisaun ba soberania Timor-Leste nian.
Bankada Parlamentar KHUNTO hato’o-nia deklarasaun polítika kona-ba kazu dengue ne’ebé kontinua aumenta, mudansa ba estrutura sira iha ministériu, kondisaun estrada iha Postu Administrativo Baguia Munisípiu Baucau, ne’ebé iha kondisaun aat no asuntu sira seluk.
Deputadu sira apoia deklarasaun refere ne’ebé deskreve duni realidade iha baze no sujere atu Governu liu husi ministériu kompetente presiza halo intervensaun no rezolve preokupasaun sira ne’e.
Sesaun plenária ne’e mós aprova ona iha jeneralidade ba proposta lei n.o 34/V 3ª) – Lei Komisaun Funsaun Públika nian ho 32 votu a favor, 6 kontra no 1 abstensaun. FIM.
