Pagina Inicial»Noticia
Parlamentu Nasionál iha sesaun plenária ordinária iha loron 10 fulan janeiru tinan 2022, aprova ona iha final global ba Proposta Lei n.o 27/V(3ª) – Enkuadramentu Orsamentu Jerál Estadu no Jestaun Finanseira Públika, ho 37 votu a-favor, 0 kontra no 2 abstensaun.
Sesaun plenária ne’e mós halo votu pezar ba matebian Desmond Tutu no Egídio Nogueira ne’ebé hakotu-iis foin lalais ne’e.
Entretantu Saudozu Deputadu Silvino Adolfo Morais hetan ona substituisaun husi Deputadu Luís Geraldo da Costa Oliveira, liu husi sesaun plenária segunda-feira ne’e.
Alem de ne’e, Meza Parlamentu Nasionál mós baixa ba Komisaun B kona-ba Proposta Rezolusaun n.o 5/V(4ª) – Ratifica, para adesão, a Convenção Internacional sobre Normas de Formação, de Certificação e de Serviço de Quartos para os Marítimos de 1978 (STCW) e respetivas emendas.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza no hetan prezensa husi Ministru Asuntu Parlamentares no Komunikasaun Sosiál no Ministru Finansas.
