Pagina Inicial»Noticia
Parlamentu Nasionál liu husi Komisaun A ne’ebe trata asuntu Konstitusionais no Justisa, finaliza ona diskusaun iha espesialidade ba Projetu Lei no 5/V/2ª - Lei Eleitoral Munisipal, ho total 135 artigo.
Diskusaun ne’ebe la’o durante loron 3 hahú iha loron 18 to’o 21 fulan agosto tinan 2021, iha Salaun Mukit Aisirimou Munisipiu Aileu, ne’e prezide husi Prezidente Komisaun A Deputadu Joaquim dos Santos “Boraluli” akompaña husi membru sira no hetan prezensa husi Ministru Administrasaun Estatal ho nia ekipa sira.
Durante diskusaun, Deputadu sira ho Governu diskute klean kona-ba kompetensia sira iha munisipiu, prosesu kandidatura sira ho nia regra sira hodi bele kandidata ba Prezidente Kamara Munisipal ho nia vise prezidente.
Iha projetu lei refere ko’alia mos kona-ba numeru Deputadu sira tanba define mos kuantidade populasaun no seluk tan atu define munisipiu ida ho nia Deputadu na’in hira, ne’ebe iha projetu lei ne’e liga mos ho poder lokal ne’ebe aprova antes ona.
Além de ne’e diskuti mos kompetensia Sekretariadu Tékniku Administrasaun Eleitoral (STAE) no Komisaun Nasional ba Eleisaun (CNE), atu koalia kona-ba prepasaun eleisaun, organiza no verifikasaun ba prosesu eleisaun nian.
Hafoin diskusaun iha especialidade, Komisaun A sei halo relatoriu no pareser antes aprezenta ba plenária hodi hetan aprovasaun final global.
