Pagina Inicial»Noticia
Komisaun F ne’ebe trata asuntu Saúde, Seguransa Sosial no Igualdade Jeneru, halo ona konsultasaun ba Projetu Lei Protesaun Labarik no Joven, iha loron 7 no 8 fulan jullu tinan 2021, iha Hotel Timor.
Prosesu konsultasaun ne’ebe lidera husi Prezidente Komisaun F, Deputadu Noé da Silva Ximenes «Buka Tuir», akompaña husi membru komisaun nian ne’e hahú ho entidade sira husi sosiedade sivil sira, ajensia internasional sira inklui instituisaun relevante sira.
Durante konsultasaun ba Projetu Lei refere ho total artigu 103, entidade no organizasaun sosiedade sivil sira fó rekomendasaun barak ba Komisaun F atu haklean tan Projetu Lei refere antes tama ba diskusaun ne’ebe espesifiku liu.
Iha prosesu konsultasaun ne’e mós Komisaun F enkoraza ba entidade no organizasaun sira atu hato’o mós pareser eskrita ba Komisaun hodi analiza.
Organizasaun no entidade hirak ne’ebe Komisaun F halo konsultasaun mak hanesan, Sekretária Estadu Juventude no Desportu (SEJD), Fórum ONG Timor-Leste (FONGTIL), FOKUPERS, Ba Futuru, ADTL, Fundação Alola, Alfela, JSMP, UNICEF, ILO inklui entidade relevante sira seluk
