Parlamentu Nasionál liu husi sesaun plenária iha loron 22 fulan juñu tinan 2021, Deputadu sira halo diskusaun no aprovasaun iha generalidade ba Projeto de Lei n.º 19/V(3ª) – Organização Judiciária; da Proposta de Lei n.º 28/V(3ª) – Organização e Funcionamento dos Tribunais; do Projeto de Lei n.º 23/V(3ª) – Estatuto do Ministério Público; da proposta de Lei n.º 24/V(3ª) – Estatuto do Ministério Público e do Projeto de Lei n.º 21/V(3ª) – estatuto dos Magistrados Judiciais.
Liu hussi diskusaun ne’ebé naruk ba diploma hirak ne’e, no fim, Plenário decide hodi halo votasaun ba Proposta no Projeto sira ne’e hotu,, ho resultado 57 votus a favor, 0 kontra no 0 abstensaun maibé ba Projeto de Lei n.º 23/V(3ª), aprova ho 56 votus a favor, 0 kontra no 1 abstensaun.
Depois de aprovasaun iha generalidade, Plenário autoriza hodi devolve Proposta no Projeto de Lei sira ne’e ba Komisaun A tuir kompetensia komisaun nian, hodi kontinua diskusaun iha especialidade.
Hussi Diploma sira ne’ebé apresenta ne’e, iha proposta rua no projeto rua ne’ebe mak nia materia hanesan, ho nuné, Comissão iha competência regimental hodi hato’o texto substitutivo hodi halo harmonizasaun substancial.
Iha diskusaun ne marka presença Ministro Justisa nian, Manuel Cárceres da Costa ho komitiva hanesan proponente ba Proposta Lei sira refere.
Iha sessão plenária ne mós, Bankada Parlamentar KHUNTO, representa hussi Deputado Antonio Verdial informa kona-ba notícia ne’ebe fó sai husi kanál GMN-TV relaciona ho deklarasaun Austrália nian katak, vacina AstraZeneka fo deit ba ema ho idade 60 ba leten, hussu ministério saúde atu klarifika informasaun ne’e; Bankada Parlamentar PD, representa hussi Deputado Mariano Assanami Sabino husu klarifikasaun hussi Ministério Negócios Estrangeiros no Cooperação (MNEC) ba voto abstensaun Timor-Leste nian ba situasaun nasaun Myanmar nian;
Iha intervensaun diversas nian, Deputadu sira aprezenta preokupasaun sira kona-ba notícias ne’ebé fo sai hussi GMN-TV relaciona ho vacina AstraZeneka ne’ebé nasaun Australia fo sai katak vacina ne fo deit ba ema ho idade 60 ba leten, hussu Ministériu Saude no mos Organização Mundial de Saúde (OMS) hodi halo klarifikasaun; kestiona mos konaba rekrutamentu professores; livre sirkulasaun ba populasaun sira ne’ebé simu ona vacina; inundasaun foin dadaun ne’e estraga estrada iha Viqueque, hussu Governo atu normaliza; lampu merah iha Comoro lafunciona; comunidade iha Beduku la acesso ba bee-mos; inklui informasaun importante sira seluk.
Ministru ba Asuntus Parlamentares no Komunikasaun, Francisco Jerónimo, hatete, kona-ba vacina Astrazeneka, Governo fo ona explikasaun, mesmo nune’e, Governo Disponivel hamutuk ho WHO hodi fo exklaresimentus; relaciona ho voto abstensaun Timor-Leste nian ba situasaun Myanmar, Ministro hatete, MNEC hato’o ona komunikadu oficial ba publiku; kona-ba rekrutamentu professores, Governu sei rekruta uluk professores sira kontratadu ba permanente; relaciona ho sirkulasaun populasaun nian, Ministru hatete, ba sidadaun sira ne’ebé hetan vacina kompletu ou simu ona vacina ba dalaruak, livre halo sirkulasaun, maibe nafatin kumpri regras OMS; informasaun seluk sei hato’o ba ministeriu competente hodi resolve.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira, ho prezensa Ministru ba Assuntu Parlamentares no Komunikasaun, Francisco Jerónimo, Ministru Justisa nian, Manuel Cárceres da Costa ho nia komitiva.
